Nëjkx parë xyʼixët diʼib tmëminy

Nëjkx mä myiny tukëʼëyë titulo

 WIˈIX JYUKYˈATYË DIOS MËDUUMBË

Pudëkë mfamilyë parë tjamyatstëdë Jyobaa

Pudëkë mfamilyë parë tjamyatstëdë Jyobaa

Jeremías yajtukˈanaˈam parë nëjkx ttukˈawanë ja israelitëty ko kutëgoyandëp mët ko të tjäˈäytyëgoytyë Jyobaa diˈib Diosˈäjttëp (Jer. 13:25). ¿Tiko ja israelitëty duˈun jyäjttë? Yëˈko ja fyamilyëty kyaj nety oy nyekyˈittë mëdë Jyobaa. Pes ja uˈunktääk uˈunkteety kyaj nety tnekykyuytyundë ja anaˈamën diˈib yajpatp mä Deuteronomio 6:5-7.

Ko tyamë familyë tjotmoˈoytyë Diosë tyuunk, pyudëjkëdëp ja tuˈukmujkën parë nanduˈun mëk yˈittët. Tääk teety, mbäät tpudëkëdë yˈuˈunk yˈënäˈk parë kyaj tjäˈäytyëgoytyëdë Jyobaa ko xëmë Diosˈawdattët tuk familyë (Sal. 22:27). Ko nety të yaˈijxtäˈäyë bideo Tyäˈädë ääw ayuk tsojkëp yˈitët mä mgorasoon: Yaˈentrebistarattë familyë, ta yaˈˈatsoowëmbitëdë tyäˈädë yajtëˈëwën:

  • ¿Ti näägë nmëguˈukˈäjtëm të ttundë ko të tsyiptakxëdë parë Diosˈawdattët tuk familyë?

  • ¿Wiˈix ttukˈoyˈattë ko xëmë Diosˈawdattë tuk familyë?

  • ¿Ti jotmayëts nbatypy kots njatuknibëjtäägë nDiosˈawdatäˈäny tuk familyë, ets tits ndunaampy parëts kyaj yëˈë xyyajtuˈuˈadukët?