Nëjkx parë xyʼixët diʼib tmëminy

Nëjkx mä myiny tukëʼëyë titulo

 WIˈIX JYUKYˈATYË DIOS MËDUUMBË

Nˈoktukniˈˈijxëm ja tëyˈäjtën

Nˈoktukniˈˈijxëm ja tëyˈäjtën

Septiembrë poˈo ja ogäˈän myinäˈäny tuˈugë jembyë ijxpajtën mä wiˈixë jäˈäy nmëtmaytyakëm mä Tijaty yaˈëxpëkäämp ets yajtukjayëyäämp, ja txëˈatäˈäny “Nˈoktukniˈˈijxëm ja tëyˈäjtën”. Xypyudëkëyäˈänëm parë wingëjxy nimaytyakëmë tëyˈäjtën, nyajtëˈëwëm ets ngäjpxëm tuˈugë tekstë.

Pën tuˈugë jäˈäy yˈoymyëdoopy, mbäät nikakëm tuˈugë ëxpëjkpajn o ndukˈijxëmë bideo diˈib mä jw.org. Nˈoknijëmbijtëm kyum majtsk xëëw o kyum tëgëk xëëw ja jäˈäy ets mëët nˈakmaytyakëm. Yëˈë tunäämbë liibrë ¿Ti tëyˈäjtën jantsy tukniˈijxëbë Biiblyë? mä tyäˈädë jembyë ijxpajtën mä wiˈixë jäˈäy nmëtmaytyakëm ets tijaty naxäämp. Ets parë jäˈäy nnijëmbijtëm o nyaˈëxpëjktsondakëm, mbäät nyajtuˈunëmë rekuäädrë “Biiblyë dëˈën tyukniˈˈixë”, pes myëmiimbyë tekstë parë yëˈëyë Biiblyë nyajtuˈunëm.

Jeˈeyë jyaˈˈaty tuˈugë tuˈu diˈib mënëjkxp mä jukyˈäjtën (Mat. 7:13, 14). Pënaty nmëtmaytyakëm wiˈixëmë myëbëjkën ets määyëm tsyoondë, pääty jëjpˈam ets ndukmëtmaytyakëmë tëyˈäjtënë extëm mbäät tˈoymyëdowdë (1 Tim. 2:4). Ko niˈigyë njäjtëm nimaytyakëm tijatyë Biiblyë tukniˈˈijxëp ets ko oy nyajtuˈunëm “ja ayukë tëyˈäjtënbë”, ta nëjkx niˈigyë ndukxondakëm ets oy wyimbëtsëmët ko jäˈäy ndukniˈˈijxëmë tëyˈäjtën (2 Tim. 2:15).