Nëjkx parë xyʼixët diʼib tmëminy

Nëjkx mä myiny tukëʼëyë titulo

 ËY 96

Mëjwiin kajaa Diosë yˈAyuk nyajtsobatëm

Seleccione una grabación de audio
Mëjwiin kajaa Diosë yˈAyuk nyajtsobatëm

(Proverbios 2:1)

  1. 1. Ta tuˈugë liibrë diˈibë Dios yajjääyë

    ets yëˈë ja Biiblyë diˈibë Dios nyayäjk.

    Yëˈë yˈääw yˈayuk myëdäjtypy mëk ja mëkˈäjtën,

    pyudëjkëp tyamë jäˈäy mëjwiin kajaa.

    Oy ko nyajnäjxëm mëjë tyäˈädë liibrë,

    diˈib xytyuknijäˈäwëm wiˈixë Dios jyaˈayˈaty.

    Dios yëˈë yajtuunë jäˈäyëty parë Biiblyë

    yajjääy mä myiny këxjäˈäy ja yˈääw yˈayuk.

  2. 2. Diˈib myaytyaktsoˈombyë Biiblyë yëˈë wiˈix ojts kyojy

    tijaty tsäjpotm mä Xëëw, Poˈo etsë nax.

    Ta net tmaytyaˈaky wiˈix tuˈugë Diosë yˈuˈunk kyaj

    myëdooy ets nyibëdëˈkë wiˈix yˈaneˈemy.

    Nanduˈun ko kyamëdooy ja tim jawyiimbë

    yetyëjk toxytyëjk, ta tyëjkë poky kaytyey.

    Pääty niˈamukë të xynyinäjxëm ja poky,

    perë Jyobaa tim tsojk dyajjëgaˈagäˈäny.

  3.  3. Mä Biiblyë nan myaytyakypy ko Jesukristë,

    yëˈë tyam anaˈamp tsäjpotm extëmë Rey.

    Joˈom nˈoknigäjpx nˈoknimaytyakëm mä jäˈäy

    tijaty kunuˈkxën yajminaambyë Dios.

    Mëjwiin kajaa yëˈë Biiblyë nyajtsobatëm,

    mbäät xyjyotkujkmoˈoyëm ets oy xyyajnayjyäˈäm,

    ujts jotkëdakëm ko ngäjpxëmë Biiblyë,

    pääty, oy ko ngäjpxëm tuˈuk tuˈugë xëëw nyaxy.

(Käjpx nanduˈunë 2 Tim. 3:16; 2 Peed. 1:21).