Nuba soo ri jñanrra texe kʼo mama ne pajina

Unu̷ge klik ngekʼua ri jñanrra yo ri xoru̷

Kjuarma ñe kju̱ʼu̱ ri xo̷ru̷ yo mamaba

Kjuarma ñe kju̱ʼu̱ ri xo̷ru̷ yo mamaba

MBITAJI KJO NEE RA PE̸PJI KJA NE ASAMBLEA. Ma i nee ri pe̷pjige kja ne asamblea, ri ma tsjaa trʼo̷nu̷ kja nu Departamento kʼu̷ mama: kʼo gi nee ri pa̱ra̱, ñe nu ja zojnu̷ji kʼo nee ra pe̷pji kja asamblea.

PJE KʼO I BʼE̸ZHI. Ma pje kʼo ri cho̷trʼu̷, ri ma sogu̷ kja nu departamento kʼu̷ mama: Pje kʼo i bʼe̷zhi. Ma pje kʼo i bʼe̷zhi, ri ma tsjaa trʼo̷nu̷ ma bʼu̷bʼu̷nu. Ma bi cho̷trʼu̷ dʼa tsʼitrʼi kʼu̷ go bʼe̷zhi, ri ma sogu̷nu. Nu departamento dya ñʼemeji ra mbo̷ru̷ji yo tsʼitrʼi, na pjeste ri pjo̷ru̷ji na joo in chʼiji yo jñii paa yo ra jmuru̷ji.

PJO̸XKʼU̸JI MA I SO̸DYE̸. Dya ri jyombeñe ke nu departamento pjo̷sʼu̷ NGEXTRJO kʼo o unu̷ o ngijeme kʼu̷ ME NA SʼE̸ZHI kja ne asamblea.

RI UNU̸ MERIO KO TEXE IN MU̸BʼU̸. Ya go sʼodʼu̷ji na punkju̷ merio para ke ro rentaji yo trjujnu̷ nu ja ri mimiji, nu bʼizhi ñe yo pantalla nu ja ri janrraji yo video, xo bʼu̷bʼu̷ na punkju̷ bʼe̷pji para ke ro tsjaji ne asamblea ñe ra trjansi e Jehová. Ko yo merio yo ri unu̷ji ri kjotrʼu̷ji texe yo ro sʼodu̷ji, ñe ri pjo̷sʼu̷ji o bʼe̷pji e Jehová kʼu̷ na tsjaji kja texe ne xoñijomu̷. Ma nutsʼkʼe gi nee ri unu̷ merio, kja ne asamblea bʼu̷bʼu̷ na punkju̷ yo tsʼicaja yo kuatrʼu̷ dʼa letrero, je ri ma jñuntrʼu̷ kʼo merio ke i nee. Ri dʼaku̷jme na po̷jo̷ ke i juntrʼu̷ji merio kja yo tsʼicaja. Nu Cuerpo Gobernante dʼakʼu̷ji na punkju̷ po̷jo̷ ke i jñuntrʼu̷ji merio kja yo tsʼicaja kʼua ja ni mbedye kja in mu̷nkʼeji, akjanu xe ra jichiji yo ntee o Reino Mizhokjimi.

YO RA JUIBʼIJI KJA NRREJE. Ra ma mimiji a jmii nu plataforma, nange nge yo trjujnu̷ yo o juajnu̷ji para ke ra mimiji yo ra juibʼiji kja nrreje. Ra ma mimijinu nu xabaro ma xo̱ru̷ ante ke ra unu̷ji nu discurso. Nrrexe yo ra juibʼiji kja nrreje ra nganaji dʼa toalla, ñe ra xampjaji o bʼitu kʼu̷ ra jyeji kʼe paa.

YO TRJUJNU̸. Ri tʼekjañomu̷ yo kjuarma ñe yo kju̱ʼu̱. Dya ri jyombeñe ke ngextrjo ri xo̱ku̷ yo trjujnu̷ ja ra mimi in pjamilia, kʼo poji kja in carro ñe ma i poji yo ntee yo i jichi kʼo mama ne Biblia. Dya pje ri tsa̱sʼa̱ kja yo trjujnu̷ ma dya kjo ra miminu.

YO XITSʼI JA RI MIMI. Angezeji ra mbo̷xkʼu̷ji. Ri tsjage kʼo ra xitsʼiji, nzakja ma ra xitsʼiji ja ri sogu̷ in carro, ma ra xitsʼiji ja nge nu ri nzhodʼu̷ ñe ja ri ma mimi.

 NU REUNIÓN KE RA TSJAJI

NU SKUELA JA JICHIJI YO PRECURSOR RA NA̸DʼA̸JI O REINO E DIOSI. Yo precursor yo e̷dyiji 23 a 65 kje̷e̷ kʼu̷ nee ra moji na je̱ʼe̱ nu ja ra ma jichiji yo ntee, zojnu̷ji ra jmuru̷ji nu nrromgo ma nzha̷ʼa̷. Kja nu plataforma ra manji nu hora kʼu̷ ra mbu̷ru̷ ñe ja ra jmuru̷ji.

Ne programa o xampja nu Cuerpo Gobernante yo Testigo e Jehová