Nuba soo ri jñanrra texe kʼo mama ne pajina

Unu̷ge klik ngekʼua ri jñanrra yo ri xoru̷

 XO̸RU̸ 12

Yo testigo e Jehová, ¿ja je pa zopju̷ji yo ntee ñe pje jichiji?

Yo testigo e Jehová, ¿ja je pa zopju̷ji yo ntee ñe pje jichiji?

España

Bielorrusia

Hong Kong

Perú

Ma dya kja ma mezhe kʼe paa ma ro nrru̱u̱ e Jesús, angeze go mama ga kjaba: “Nukʼua textjo kja ne Xoñijomu̷ ri ka̱ra̱ kʼo ra zopju̷ yo ntee ra xipjiji ra dya̷ta̷ji Mizhokjimi nange ngeje kʼu̷ manda” (Mateo 24:14). ¿Ja rgua za̷dʼa̷ kʼo go mama e Jesús? Ro bʼu̷bʼu̷ ntee ke ro tsjaji ja nzi ba tsjaa e Jesús, ro jichiji yo ntee (Lucas 8:1).

Ri jichijme yo ntee kja o ngunji. E Jesús mi jichi kʼo o discípulo ro ma zopju̷ji yo ntee kja o ngunji (Mateo 10:11-13; Hechos 5:42; 20:20). E Jesús o jichi o discípulo pje ro manji ma ro za̷trʼa̷ji kja o ngunji yo ntee. Xo go xipji ja je ro za̷trʼa̷ji kja kʼo jñiñi (Mateo 10:5, 6; 2 Corintios 10:13). Ngekʼua nudya nrrexe yo congregación ja ri jmuru̷jme yo ri testigojme e Jehová, ri pe̷sʼijme janzi jñiñi nu ja ri jichijme texe yo ntee pje mama o Jñaa e Mizhokjimi, ga kjanu ri kjagojme kʼo go mama e Jesús (Hechos 10:42).

Ri zopju̷jme nrrexe yo ntee kʼo ri chje̷gojme. E Jesús mi zopju̷ kʼo ntee kʼo mi chje̷bi kja ñʼii, kʼo mi pa tuʼu nrreje kja meje. Na nu paa o jichi kʼo ntee añu̷nu̷ kja kʼe trʼazapju̷ (Marcos 4:1; Juan 4:5-15). Nudya, yo ri testigojme e Jehová xo ri kjagojme ga kjanu, ri jichijme o Jñaa e Mizhokjimi yo ntee kʼo ri chje̷jme kja ñʼii, ri zopju̷jme yo ntee kja o nrrenrraji, ri zopju̷jme kja teléfono, ri zopju̷jme yo ka̱ra̱ kja in jñiñigojme, ri zopju̷jme yo ntee nu ja ri pe̷pjijme, ri zopju̷jme yo in pjamiliagojme ñe in bʼedyigojme, yo poji kja kolejio zopju̷ji o dyojui. Ga kjaba na punkju̷ ntee kja ne Xoñijomu̷ pa̱ra̱ji ke ra za̷dʼa̷ nu paa ma e Jehová ra mbo̷xku̷goji ra ka̱ra̱ji na joo (Salmo 96:2).

¿Gi pa̱rge na ntee kʼu̷ dya pa̱ra̱ pje mama ne Biblia? ¿Gi pa̱rge na ntee kʼu̷ dya pa̱ra̱ pje ngeje o Reino Mizhokjimi ñe ja rga mbo̷xku̷goji? Ri xipji kʼo a gui xo̷ru̷ge kja ne Biblia, ngekʼua angeze xo ra mba̱ra̱kʼo.

  • ¿Pje go mama e Jesús ke ra ma jichiji yo ntee?

  • ¿Ja ga xa̷ka̷jmedya e Jesús yo ri testigojme e Jehová ma ri jichkʼojme yo ntee?