Nuba soo ri jñanrra texe kʼo mama ne pajina

Unu̷ge klik ngekʼua ri jñanrra yo ri xoru̷

 XO̸RU̸ 7

¿Pje ri kjajme ma ri jmurgojme kja congregación?

¿Pje ri kjajme ma ri jmurgojme kja congregación?

Nueva Zelanda

Japón

Uganda

Lituania

Mi jingua ma kʼo o discípulo e Jesús mi jmuru̷ji, mi to̱nji, mi kjaji oración e Jehová, xo mi zopju̷ji o jñaa Mizhokjimi (1 Corintios 14:26). Ma ri mage jango ri jmurgojme ri jñanrra ke ix ga kjanu yo ri kjagojme yo testigo e Jehová.

Nunu jitsʼkojme kʼo mama ne Biblia. Ri jmurgojme ma xabaro o ma nrromingo, dʼa kjuarma unu̷ dʼa discurso kʼu̷ jitsʼkoji ja ga kjaa kʼo mama ne Biblia. Xo mama pje ra kjajme ngekʼua ra minkʼojme ja ga mama o Jñaa Mizhokjimi. Kʼe discurso mezhe jñite minuto. Nrrexezgojme ri jongojme kja in Biblia yo texto kʼo mama kʼe kjuarma. Ma ra nguaru̷ kʼe discurso, ri xo̷ru̷jme La Atalaya ngekʼua ra pa̱rgojme ja ga mama ne Biblia ke ra mimijme. Kʼe reunión mezhe dʼatrjo ora, bʼu̷bʼu̷ dʼa kjuarma kʼu̷ kjaa trʼo̷nu̷, ma ri pa̱rgojme ja rga trju̷ru̷jme kʼe trʼo̷nu̷, ri pasʼu̷jme in dye̷e̷, kjanu kʼe kjuarma ra mama kjo ra nrru̷ru̷ kʼe trʼo̷nu̷. Kja texe nu Xoñijomu̷ ixi kjogu̷ ciento diez mil congregación ja ri jmurgojme, yo skuama yo ri zopju̷jme ne ngoʼo kja in congregación xo zopju̷ji yo nrre nʼaño congregación.

Ri pjechijmenu ja rga xo̷pu̷jme yo ntee o Jñaa e Mizhokjimi. Bʼu̷bʼu̷ na paa nu ngoʼo ma ri jmurgo̷jme ri xo̷rgo̷jme jñii parte, nu programa ni chju̱u̱: nu ja jitsʼko̷ji ja rga minji ñe ja rga pe̷piji Mizhokjimi. Ne skuama dyako̷jme zana zana ni chju̱u̱ yo ra xo̷ru̷ji kja ne reunión nu ja jitsʼko̷ji ja rga minji ñe ja rga pe̷piji Mizhokjimi. Ri pju̷ru̷jme kja nu otrʼu̷ reunión kʼu̷ ni chju̱u̱: yo me ni mubi kʼu̷ ba e̱je̱ kja nu Jñakjimi, pjo̷xku̷jme ra meyajme yo texto kʼu̷ ba e̱je̱ kja ne Biblia, yo kjuarma a go xo̷ru̷jikʼo kja nu Biblia. Kja nu yeje parte kʼu̷ ni chju̱u̱: ra jichiji na joo yo ntrʼee, kjaji demostración ngekʼua ra pjechijme ja rga jichijme na joo yo ntrʼee pje mama ne Biblia. Bʼu̷bʼu̷ dʼa kjuarma kʼu̷ xitsʼko̷jme ma ro unu̷jme na joo in discurso, nukʼo pjo̷xku̷jme ra zopju̷jme na joo ne Biblia ñe ra xo̷pu̷jme na joo yo ntrʼee (1 Timoteo 4:13). Ri kjuaru̷jme ko nu jñii parte kʼu̷ ni chju̱u̱: ja rga mimiji na joo, jitsʼko̷jme ra kjago̷jme kʼo mama ne Biblia pama pama. Ma kjaji trʼo̷nu̷ ri pasʼu̷jme in dye̷e̷ ngekʼua ra trju̷ru̷jme ñe akjanu ri meyajme kʼo mama ne Biblia.

Ma ri maa nu ja ri jmurgojme ri jñanrra pje ri kjagojme ñe ri unkʼe nguenda ke mejme jitsʼkojmenu kʼo mama ne Biblia (Isaías 54:13).

  • ¿Pje ri kjagojme yo ri testigojme e Jehová ma ri jmurgojme?

  • ¿Pje ma reunión gi nee ri maa?