Nuba soo ri jñanrra texe kʼo mama ne pajina

Unu̷ge klik ngekʼua ri jñanrra yo ri xoru̷

 XO̸RU̸ 27

¿Ja ga mbo̷xkojme yo skuama kʼu̷ bʼu̷bʼu̷ nu ja ri jmurgojme?

¿Ja ga mbo̷xkojme yo skuama kʼu̷ bʼu̷bʼu̷ nu ja ri jmurgojme?

Israel

República Checa

Benín

Islas Caimán

¿Gi nee ri pa̱ra̱ na joo kʼo mama ne Biblia? ¿Gi nee ri pa̱ra̱ pje nee ra mama kʼo junsʼu̷ kja na versículo kja ne Biblia? Bʼu̷ma gi nee ri pa̱ra̱ kjo mi ngeje na ntee, o ja ma kjaa dʼa jñiñi mi jingua. Bʼu̷ma gi kjatsje̷ ne trʼo̷nu̷ kʼu̷ mamaba: ¿So̷o̷ ra mbo̷xkoji ne Biblia ra joku̷ji yo in nrrumu̷ji? Ma nge ga kjanu, so̷o̷ ri jyodʼu̷ge pje mama yo xiskuama kʼo bʼu̷bʼu̷ kja kʼe ngumu̷ nu ja ri jmurgojme.

Jyodʼu̷ge pje mama yo xiskuama kʼu̷ bʼu̷bʼu̷ kja kʼe ngumu̷ nu ja ri jmurgojme. Bʼu̷ma dya gi pe̷sʼige texe yo skuama kʼu̷ a̷trʼa̷ji yo testigo e Jehová kja jñatrjo, pero kja kʼe ngumu̷ nu ja ri jmuru̷jme bʼu̷bʼu̷ yo xiskuama kʼu̷ kja go pjongu̷ji yo testigo e Jehová. Ri cho̷trʼu̷ge nʼaño Biblia, ri cho̷trʼu̷ diccionario ñe na punkju̷ skuama kʼo ri xo̷ru̷. Ma ri sa̷trʼa̷ kja reunión ma dya bʼe pju̷ru̷, so̷o̷ ri ma jyodʼu̷ pje mama yo skuama kʼo bʼu̷bʼu̷nu, ma jiyo, so̷o̷ ri tsjaa ma ra nguaru̷ kʼe reunión. Ma bʼu̷bʼu̷ dʼa computadoranu, so̷o̷ ri jyodʼu̷ kʼe programa Watchtower Library. Kja kʼe programa so̷o̷ ri cho̷trʼu̷ge na punkju̷ skuama ke opju̷ji yo testigo e Jehová, dya na sʼe̷zhi ri jyodʼu̷ge yo tema, pje nee ra mama na jñaa, o dʼa versículo kja ne Biblia.

Yo skuama pjo̷xko̷jme ma ra unu̷jme dʼa discurso kja kʼe reunión nu ja jitsʼko̷ji ja rga minji ñe ja rga pe̷piji Mizhokjimi. Xo ri cho̷trʼu̷ skuama nu ja jmuru̷ji, so̷o̷ ri jyodʼu̷nu ma ri unu̷ge discurso. Kʼe kjuarma kʼu̷ otrʼu̷ axojñi kja kʼe reunión nu ja jitsʼko̷ji ja rga minji ñe ja rga pe̷piji Mizhokjimi, nge kʼu̷ nuu kʼe librero, ma dya bʼu̷bʼu̷nu yo skuama kʼo kja dʼadyo ra jñusʼu̷nu. Nu ne kjuarma o kʼe kjuarma kʼu̷ pjo̷xkʼu̷ ri pa̱rge pje mama ne Biblia, nge kʼu̷ ra jitsʼi ja rgi cho̷trʼu̷ yo gi nee ri pa̱ra̱. Dya ri yaxu̷ kʼo skuamakʼo, ri pjo̷ru̷, dya ri chje̷dyi yo skuama kja in nzunge.

Ne Biblia mama ke ma ri nee ra pa̱ra̱ji na joo ja ga kjaa e Mizhokjimi, ni jyodʼu̷ ra jodʼu̷jikʼo nzakja ke ri nee ra to̷trʼu̷ji kʼo me ni mubi (Proverbios 2:1-5). Ma gi nee ri tsjagekʼo, so̷o̷ ri jyodʼu̷ge kja yo skuama kʼu̷ bʼu̷bʼu̷ nu ja ri jmuru̷jme.

  • ¿Pje nge kʼo bʼu̷bʼu̷ nu ja ri jmurgojme kʼu̷ so̷o̷ ri xo̷ru̷ge?

  • ¿Kjo nge kʼu̷ so̷o̷ ra mbo̷xkʼu̷ ri jyodʼu̷ yo skuama kʼu̷ bʼu̷bʼu̷ nu ja ri jmurgojme?