Nuba soo ri jñanrra texe kʼo mama ne pajina

Unu̷ge klik ngekʼua ri jñanrra yo ri xoru̷

 XO̸RU̸ 15

¿Pje kjaji yo kjuarma kʼo otrʼu̷ axojñi kja yo congregación?

¿Pje kjaji yo kjuarma kʼo otrʼu̷ axojñi kja yo congregación?

Finlandia

Jichiji

Pjo̷sʼu̷ji yo kjuarma

Zopju̷ji yo ntee

Nu ja ri jmurgojme kʼo kjuarma kʼu̷ otrʼu̷ axojñi kjaji ja ma tsjaji o discípulo e Jesús mi jingua, dya nrro̱nji merio ma ga jichiji yo ntee. E Jehová juajnu̷ bʼe̷zo kʼu̷ “pjo̷ru̷ji texe kʼo ñaja kjuarma” (Hechos 20:28). Angezeji kjaji kʼo mama e Jehová, jichiji ñe pjo̷sʼu̷ji yo kjuarma. Ne Biblia mama ga kjaba: “Ri pjo̷ru̷ji o ntee Mizhokjimi kʼo o dyakʼu̷ji ri pjo̷ru̷ji. Dya nge kʼu̷ ixi kjakʼu̷ji a fuerza ri pjo̷ru̷ji; nge kʼu̷ ri ñegeji ri pjo̷ru̷ji. Dya nge kʼu̷ rgi pjo̷ru̷ji kʼu̷ ri cho̱geji o merio; nge kʼu̷ pjo̷ru̷ji ko texe in mu̷bʼu̷ji” (1 Pedro 5:1-3). ¿Pje kjaji yo kjuarmayo?

Yo kjuarma kʼo otrʼu̷ axojñi pjo̷ku̷jme. Angezeji pjo̷sʼu̷ji ñe xo̷pu̷ji yo kjuarma o Jñaa Mizhokjimi. Angezeji pa̱ra̱ji ke e Jehová nee ke ra mbo̷ku̷jme ngekʼua dya zangu̷gojme, pjo̷xku̷gojme ngekʼua dya ra kjajme kʼo na sʼoo, ra ma̷kjojme (2 Corintios 1:24). Dʼa mbo̷ru̷ pjo̷ru̷ na joo o nzhenchju̷ru̷, ma so̷dye dʼa ndenchju̷ru̷, angeze ra mbo̷ru̷ asta ma ra jogu̷. Ximi kjaji ga kjaba yo kjuarma kʼo otrʼu̷ axojñi, pjo̷ku̷jme ñe pa̱ka̱jme na joo, ma pje ma nrrumu̷ ri pe̷sʼijme pjo̷xku̷jme (Proverbios 27:23).

Yo kjuarma kʼo otrʼu̷ axojñi jitsʼkojme ja rga kjajme kʼo mama e Mizhokjimi. Chju̷ma chju̷ma ma ri jmurgojme, kʼo kjuarma kʼo otrʼu̷ axojñi unu̷ji discurso, xitsʼkojme ja ga kjaa o Jñaa Mizhokjimi ga kjanu ra kjajme kʼo na joo (Hechos 15:32). Yo kjuarmayo pe̷pjiji na punkju̷, manji ja nge nu ra ma zopju̷jme yo ntee, ja rga jichijme kʼo mama ne Biblia, ja rga unu̷jme estudio ñe pje ra mangojme ma nrro ra nzhogojme ra ñajme ko yo ntee. Dya ngextrjo jitsʼkojme pje ra kjajme, xo angezeji poji ko nutsʼkojme ma ri pa jichkʼojme yo ntee o Jñaa e Jehová.

Yo kjuarma kʼo otrʼu̷ axojñi pjo̷xku̷jme ra se̷chijme. Ma ri jmurgojme, angezeji o̷ngu̷gojme ma ri bʼu̷ntrjojme na joo. Xo bʼu̷bʼu̷ paa ma poji kja in nzungojme. Ma ri pe̷sʼijme nrrumu̷ jitsʼkojme kʼo mama ne Biblia, xitsʼkojme dya ri bʼu̷ntsje̷jme, angezeji o̷tu̷ji e Palesito ajensʼe ra mbo̷xku̷jme (Santiago 5:14, 15).

Yo kjuarma kʼo otrʼu̷ axojñi pe̷sʼiji o pjamilia, zo nesta ra pe̷pjiji ngekʼua ra unu̷ji pje ra ziji, zo nesta ra mbo̷ru̷ji o pjamilia, angezeji pe̷pjiji na punkju̷ kja congregación, ngekʼua me ri negojme kʼo kjuarmakʼo (1 Tesalonicenses 5:12, 13).

  • ¿Pje kjaji yo kjuarma kʼu̷ otrʼu̷ axojñi kja congregación?

  • ¿Ja ga mbo̷xku̷jme yo kjuarma kʼo otrʼu̷ axojñi? ¿Pje jitsʼkojme ñe ja ga pjo̷ku̷jme?