Nuba soo ri jñanrra texe kʼo mama ne pajina

Unu̷ge klik ngekʼua ri jñanrra yo ri xoru̷

 XO̸RU̸ 9

¿Ja rgi xo̷ru̷ge yo skuama ante ke ri mage kja reunión?

¿Ja rgi xo̷ru̷ge yo skuama ante ke ri mage kja reunión?

Camboya

Ucrania

Po nutsʼkʼe ri xo̷ru̷ge ñe ri yaxu̷ in skuama ante ke ra ma zenguatsʼu̷ kʼe testigo e Jehová kʼu̷ jitsʼi kʼo mama ne Biblia, na joo kʼo i kjage. Xo ri tsjagekʼo ante ke ra za̷dʼa̷ kʼe paa ma ra jmuru̷ji, na joo ri xo̷ru̷ge yo skuama yo ra xo̷ru̷jinu ngekʼua dabaditrjo ri pjechi. ¿Ja rgi xo̷ru̷ge yo skuama?

Ri juajnu̷ge na paa ñe pje ma ora ri xo̷ru̷ge yo skuama. Me na joo ri tsjagekʼo ma jyasto ante ke ri ma pe̷pjige, o ante ke ri xaʼma in nzunge. O ma xomu̷ ma ra i̱ji̱ in chʼige, ri jue̷chʼe kʼe radio, kʼe televisión ñe in celular. Ga kjanu ma dya kjo nzheñe, ri so̷o̷ ri xo̷ru̷ge na joo yo skuama. Ri xo̷rge yo skuama kʼe ora ke bi juajnu̷ge, dya ri jye̷zi ri tsjage ga kjanu. Ante ke ri pju̷ru̷ ri xo̷rge yo skuama ri dyo̷tu̷ Mizhokjimi, ga kjanu ra mbo̷xkʼu̷ ngekʼua ri tendioge na joo kʼo ri xo̷rge kja ne Biblia (Filipenses 4:6, 7).

Ri yaxu̷ yo skuama ke ra xo̷ru̷ji kja reunión ngekʼua ri unu̷ge comentario. Otrʼu̷ ri xo̷ru̷ge kʼe título ñe yo subtítulo ngekʼua ri pa̱rge pje mama kʼe skuama kʼu̷ ra xo̷ru̷ji. Xo ri jñanrrage yo rretrato kʼo kuatrʼu̷ kja kʼe skuama, ñe yo trʼo̷nu̷ kʼu̷ pjo̷xku̷ji ra tendioji na joo yo junsʼu̷ kja ne skuama. Kjanu ri xo̷ru̷ge kʼo mama nzi dʼa párrafo. Ma ri kjuaru̷ ri xo̷ru̷ nzi dʼa párrafo, ri jyodʼu̷ ja rgi chju̷rge kʼe trʼo̷nu̷ ñe ri yaxu̷ yo jñaa, ngekʼua ma ri mage nu ja ri jmuru̷jme ri mbeñe pje ri mange. Ri jyodʼu̷ge yo texto yo junsʼu̷ kja kʼe skuama, kjanu ri dyo̷ntsje̷: ¿pjenga go jñusʼu̷jiba ne texto? ¿Ja ga mbo̷xku̷goyo? (Hechos 17:11). Kja yo párrafo ri yaxu̷ pje nge kʼo ri mama ma ra tsjaji kʼe trʼo̷nu̷. Ga kjanu ma ri mage kja reunión, ma ra xo̷ru̷ji yo skuama ri so̷o̷ ri mama kʼo gui pjechige kja kʼe párrafo, dya kja ri xo̷ru̷ge nrrexe.

Ri jyodʼu̷ge ñe ri zopju̷ nrrexe yo skuama yo ra xo̷ru̷ji ma ra pe̷sʼiji reunión, akjanu ma ri unu̷ge nguenrra a ri pjechige na punkju̷ kʼo mama ne Biblia (Mateo 13:51, 52).

  • ¿Pje ma ora ñe pje ma paa ri xo̷ru̷ge yo skuama?

  • ¿Pje ri tsjage ngekʼua ri tendioge yo párrafo kʼo junsʼu̷ kja yo skuama?