Nuba soo ri jñanrra texe kʼo mama ne pajina

Unu̷ge klik ngekʼua ri jñanrra yo ri xoru̷

¿Ri tsjage kʼo nee e Jehová?

¿Ri tsjage kʼo nee e Jehová?

Me na joo ke gui zopju̷ge ne skuama, a gui pa̱rge ja ga kjazgojme, pje ri kjagojme ñe ja ga kjagojme o bʼe̷pji Mizhokjimi. Ri tebʼegojme ke ne skuama ra mbo̷xkʼu̷ ri unu̷ge nguenrra ke yo paa yo ri ka̱ra̱jidya, ngextrjo yo ri testigojme e Jehová ri kjagojme kʼo mama e Jehová. Sido ri xo̷rge ne Biblia, kʼo na pjechige kja ne Biblia na joo ke ri xipji in pjamiliage ñe yo ntee kʼo i jobi, akjanu xo ra pjechiji ja ga kjaa Mizhokjimi. Xo na joo ke ri mage ja ri jmurgojme (Hebreos 10:23-25).

Ma sido ri pjechige kʼo mama ne Biblia ri unu̷ge nguenrra ke e Jehová me sʼiyatsʼkʼe, ma ra kjogu̷ yo paa ri nee ri tsjage kʼo mama angeze, akjanu ra ñetsʼe kʼu̷ me gi sʼiyage e Jehová kʼua ja nzi ga sʼiyatsʼkʼe (1 Juan 4:8-10, 19). Ma bʼemi gi sʼiyage e Jehová, ¿pje nge kʼo ri tsjage? ¿Pjekja na joo ri minkʼe ja ga nee Mizhokjimi? ¿Pje nge kʼo ra mbo̷xkʼu̷ ngekʼua ri tsjage ja ga nee e Jehová kʼua ja nzi ri kjagojme yo ri testigojme e Jehová? Kʼe testigo kʼu̷ na jitsʼige kʼo mama ne Biblia ra mbo̷xkʼu̷ge ñe in pjamiliage ngekʼua ri pjechiji ja ga kjaa yo trʼo̷nu̷ kʼo mamaba. Nutsʼkʼe ñe ni pjamiliage ri sido ri tsjageji kʼo mama Mizhokjimi, ga kjaba so̷o̷ ri mimigeji nrrexe yo paa (Judas 21,TNM).

Kʼua ja nzi gui xo̷ru̷ge ne Biblia sido ri tsjage ga kjanu, ngekʼua ri cho̷trʼu̷ge kʼo na kjuana. Kʼe skuama “Manténganse en el amor de Dios” ra mbo̷xkʼu̷ ri tsjageyo.