República Democrática del Congo

Ruanda

Ngeje na fragmento de la versión griega de Símaco (del siglo lll o IV) junsʼu̷trjo o trju̱u̱ e Mizhokjimi kja Salmo 69:31

Mi jingua in kjuarmagojme dya mi pe̷sʼiji Biblia, mi pjongu̷ji copia o Biblia kʼo mi pe̷sʼi yo ntee. Kʼo Bibliakʼo nge kʼo mi jichiji yo ntee ma mi poji kja o ngunji ñe nge kʼo mi unu̷ji yo ntee. Kjanu go unu̷ji nguenrra ke ma joo ma ro tsjaji in Bibliagojme. Go pjechiji ke e Jehová nee ke yo ntee “ra mba̱ra̱ji kʼu̷ na kjuana” (1 Timoteo 2:3, 4). Kja kʼe kje̷e̷ 1950 go pjongu̷ji na parte in Bibliagojme kʼe Traducción del Nuevo Mundo kja idioma inglés. Ndeze kʼe paa asta yo padya, ixi kjogu̷ ciento treinta idioma ba dyopju̷ji ne Biblia. Go dyopju̷ji kʼua ja ga mama yo xiskuama yo mi jingua.

In kjuarmagojme o unu̷ji nguenrra ke ma joo ma ro tsjaji na Biblia kʼu̷ ro tendioji na joo. Na punkju̷ Biblia ya me mezhe ma go tsjaji, go jñusʼu̷ji ja ma ñaji kʼo ntee mi jingua, pe nudya dya kja ri ñaji ga kjanu. Kʼo ntee kja go cho̷trʼu̷ji xiskuama kʼo go dyopju̷ji mi jingua. Kʼo xiskuamakʼo, go mbo̷sʼu̷ na punkju̷ yo in kjuarmagojme go mba̱ra̱ji na joo ja ma kjaa yo idioma hebreo, arameo ñe griego. Kʼo idiomakʼo, mi ñaji kʼo ntee mi jingua.

Mi negojme na Biblia ke ro ngeje ja ma nge kʼu̷ bi dyopju̷ji mi jingua. Yo ntee ke opju̷ji ne Biblia kja o idioma nesta ra jñusʼu̷ji kʼua ja nzi ba jñusʼu̷ji kʼo bʼe̷zo kʼo o dyopju̷ji o jñaa e Mizhokjimi mi jingua. Pero kja na punkju̷ Biblia dya go tsjaji ga kjanu, dya kja go jñusʼu̷ji o trju̱u̱ e Mizhokjimi.

Kja in Bibliagojme go jñusʼu̷ji pje ni chju̱u̱ Mizhokjimi (2 Samuel 23:2). Ne Biblia Traducción del Nuevo Mundo a ro sa̷trʼa̷ siete mil bes kʼu̷ go jñusʼu̷ji pje ni chju̱u̱ e Mizhokjimi kʼua ja nzi mi junsʼu̷trjo kja yo skuama mi jingua, jñanrragekʼo kja kʼe fragmento kʼu̷ bʼu̷bʼu̷ anrru̷bʼu̷ (Salmo 83:18). Go mezhe na punkju̷ tsje̷e̷ pa ro tsjaji nu ne Biblia, o jyodʼu̷ji na joo kja na punkju̷ skuama kʼo a bi dyopju̷ji kʼo ntee mi jingua ngekʼua ro mba̱ra̱ji pje ro jñusʼu̷jinu. Texe kʼo go jñusʼu̷ji kja ne Biblia nge kʼo mama Mizhokjimi. Go jñusʼu̷ji na joo kʼua ja ga ñajidya, ngekʼua ma ri xo̷ru̷ji ne Biblianu ri tendioji na joo. Zo dya gi pe̷sʼi ne Biblia Traducción del Nuevo Mundo kja jñatrjo, na joo ke pama pama ri xo̷ru̷ in Biblia kʼu̷ gi pe̷sʼi (Josué 1:8; Salmo 1:2, 3).

  • ¿Pjekja go pjongu̷ji na Biblia yo testigo e Jehová?

  • ¿Pje ra kjaji pama pama ngekʼua ra pa̱ra̱ji pje nee e Mizhokjimi ke ra kjaji?