Nuba soo ri jñanrra texe kʼo mama ne pajina

Unu̷ge klik ngekʼua ri jñanrra yo ri xoru̷

 XO̸RU̸ 13

¿Pje kjaa na precursor?

¿Pje kjaa na precursor?

Canadá

Yo precursor pa zopju̷ji yo ntee kja o ngunji

Yo precursor xo̷pu̷ji yo ntee o Jñaa e Mizhokjimi

Yo precursor xo̷ru̷ji ne Biblia

Na precursor chjenjui dʼa ntee kʼu̷ paa axojñi, xokʼu̷ na ñʼii ngekʼua yo ntee kʼo ba e̱je̱ axu̷trju̷ ra so̷o̷ ra kjogu̷ji. Kʼo paa ma e Jesús mi bʼu̷bʼu̷ kja ne Xoñijomu̷, nge kʼu̷ otrʼu̷ go maa kja o ngumu̷ kʼo ntee mi jichi o jñaa e Mizhokjimi, xo gua ne̱ nrru̱u̱ ngekʼua ba ngontrʼu̷ in pekado ngekʼua dya kja ra tu̱ji (Mateo 20:28). Yo padya yo ri testigojme e Jehová ri kjagojme ja gua tsjaa e Jesús, ri pojme kja o ngumu̷ji yo ntee ri jichijme kʼo mama ne Biblia (Mateo 28:19, 20). Bʼu̷bʼu̷ kjuarma kʼo ga tsjaji precursor, mbo̷sʼu̷ji yo ntee ra mba̱ra̱ji Mizhokjimi.

Yo precursor pama pama jichiji yo ntee pje mama ne Biblia. Nrrexe yo ri testigojme e Jehová ri jichkʼojme yo ntee pje mama ne Biblia. Pe bʼu̷bʼu̷ kjuarma kʼo ngeji precursor regular, nzi na zana kjaji setenta ora. Ngekʼua dya pe̷sʼiji na bʼe̷pji kʼu̷ ra pe̷pjiji nrrexe yo paa, pe̷pjiji janzi ora, bʼu̷nkʼo pe̷pjiji ma xo̱rtjo, bʼu̷nkʼo pe̷pjiji ma nrrempa. Bʼu̷nkʼo ngeji precursor especial, nzi na zana ixi kjogu̷ ciento treinta ora kʼu̷ jichiji yo ntee. Angezeji poji kja ñaja congregación, pa pjo̷sʼu̷ji yo kjuarma ngekʼua ra jichiji yo ntee kʼo ka̱ra̱jinu. Yo precursor dya jodʼu̷ji ra ju̷̱ji na punkju̷ merio, pa̱ra̱ji ke e Jehová ra mbo̷sʼu̷ji ngekʼua ra mbe̷sʼiji pje ra ziji, ra mbe̷sʼiji pje ra jyeji, ra mbe̷sʼiji ja ra oxu̷ji nu ja ka̱ra̱ji (Mateo 6:31-33; 1 Timoteo 6:6-8). Kʼo kjuarma kʼu̷ dya so̷o̷ ra tsjaji precursor regular o precursor especial, ga tsjaji precursor auxiliar, nzi na zana kjaji treinta o cincuenta ora.

Yo precursor sʼiyaji Mizhokjimi xo sʼiyaji yo ntee ngekʼua jichiji kʼo mama ne Biblia. Nzakja kʼo paa ma o mimi e Jesús kja ne Xoñijomu̷, yo padya ri unkʼojme nguenrra dya bʼu̷bʼu̷ kjo ra mbo̷sʼu̷ yo ntee ngekʼua ra mba̱ra̱ji kʼo mama e Jehová (Marcos 6:34). Pe nuzgojme ri pa̱rgojme pje ra tsjaa e Mizhokjimi a ma axojñi, nge yo ri jichijme yo nteeyo. Yo precursor sʼiyaji yo ntee, nee ra mbo̷sʼu̷ji ra mba̱ra̱ji kʼo mama ne Biblia ngekʼua pama pama jichiji yo ntee (Mateo 22:39; 1 Tesalonicenses 2:8). Yo precursor me ma̷ji, unu̷ji nguenrra ke e Jehová me sʼiyatrjoji ngekʼua angezeji me xo ga sʼiyaji e Jehová, pa̱ra̱ji ke e Jehová pama pama ra mbo̷sʼu̷ji ra bʼu̷nji na joo, dya pje ra bʼe̷tsʼpʼiji (Hechos 20:35).

  • ¿Pje kjaa na precursor?

  • ¿Pjekja bʼu̷bʼu̷ kjuarma ñe kju̱ʼu̱ kʼo ga tsjaji precursor?