Nuba soo ri jñanrra texe kʼo mama ne pajina

Unu̷ge klik ngekʼua ri jñanrra yo ri xoru̷

 Nu parte yeje 5

Ma dya be ma e̱je̱ k’e trʼadye̷bʼe̷, ¿kjo nge kʼo o tsjaa kʼo mi nee Mizhokjimi?

Ma dya be ma e̱je̱ k’e trʼadye̷bʼe̷, ¿kjo nge kʼo o tsjaa kʼo mi nee Mizhokjimi?

Kʼo paa ma o mimi e Noé na punkju̷ ntee mi kjaji kʼo na sʼoo (Génesis 6:5)

Kʼo trʼii e Adán ñe e Eva go nga̱ra̱ji na punkju̷ kja ne Xoñijomu̷. O bʼu̷bʼu̷ anxe kʼo dya o tsjaji kʼo mi nee e Jehová, o tsjaji kʼo mi nee e Satanás.

Kjanu o e̱ji kja ne Xoñijomu̷, dya kja mi ngeji anxe, mi ngeji nzakja yo ntee. Go chju̷ntu̷bi ko xuntrʼi kʼo mi ka̱ra̱ kja ne Xoñijomu̷. Kʼo trʼii kʼo o muspʼu̷ji me ma nrra̱ʼa̱ji, me ma zezhiji, me ma sʼoji. Kʼo ntee mi kjaji kʼo dya ga joo.

Ne Biblia mama kʼo ntee me ma sʼoji, mi kjijñiji kʼo na sʼoo, pama pama mi kjaji kʼo dya ma joo.

 E Noé o tsjaa kʼo bi xipji e Mizhokjimi, o dya̷trʼa̷ na arca (Génesis 6:13, 14, 18, 19, 22)

E Noé me ma jontekʼu̷, e Jehová o xipji: Ra pejñego na trʼadye̷bʼe̷ ngekʼua ra nrru̱u̱ nrrexe yo ntee yo na sʼonte.

Xo go xipji: Ri tsjage na arca, ri tsjokʼu̷ yo añimale ñe in pjamiliage.

E Noé mi zopju̷ yo ntee mi xipji e Jehová ro pejñe na trʼadye̷bʼe̷ ngekʼua ro chjotu̷ yo ntee. Dya o ngotrʼpu̷ji ñiʼi, mi trjembeji, mi sadʼu̷ji me mi u̷mbu̷ji e Noé.

Ma e Noé o nguaru̷ o dya̷trʼa̷ kʼe arca, o tsotrʼu̷nu na punkju̷ añimale.