Nuba soo ri jñanrra texe kʼo mama ne pajina

Unu̷ge klik ngekʼua ri jñanrra yo ri xoru̷

 Nu parte yeje 6

Ra kjaji jagua tsjaa e Noé

Ra kjaji jagua tsjaa e Noé

E Jehová o mbotrʼu̷ kʼo ntee kʼo mi kjaji kʼo na sʼoo, dya go mbotrʼu̷ e Noé ñe nu pjamilia (Génesis 7:11, 12, 23)

O e̱je̱ na trʼadye̷bʼe̷ o mezhe cuarenta paa ñe cuarenta xomu̷. Go nizhi nrreje texe nu Xoñijomu̷.

Texe kʼo ntee kʼo mi kjaji kʼo na sʼoo go nrru̱ji. Kʼo anxe k’o ma sʼoo o jyeziji o kuerpo kja ne Xoñijomu̷ o nzhogu̷ji ajensʼe, dya kja joo kʼo anxekʼo, ngeji demoniodya.

E Noé ñe o pjamilia dya o nrru̱ji, angezeji o tsjaji kʼo mi mama Mizhokjimi, o kjogu̷ji kja kʼe arca. Zo dya kja bʼu̷nji, e Jehová ra xosu̷ji kja o trʼoʼo ngekʼua ra mimiji texe yo paa kja ne Xoñijomu̷.

 E Mizhokjimi ra kjuatu̷ texe yo ntee kʼo na sʼoo. Kʼo na jonte ra jyezitrjo ra bʼu̷bʼu̷trjoji (Mateo 24:37-39)

E Satanás ñe yo demonio jotrʼu̷ yo ntee ngekʼua ra tsjaji kʼo dya ga joo.

Yo paa yo ri ka̱ra̱jidya, yo ntee dya a̷ta̷ji e Mizhokjimi kjaji kʼo na sʼoo, nzakja mi jingua ma o bʼu̷bʼu̷ e Noé. Ya ba chezhi kʼe paa ma e Mizhokjimi ra chjotu̷ yo ntee kʼo kjaa na sʼoo. Kʼo kjaa kʼo nee Mizhokjimi ra mimi nrrexe yo paa kja ne Xoñijomu̷ (2 Pedro 2:5, 6).

Yo testigo e Jehová nzakja e Noé, kjaji kʼo nee e Mizhokjimi.