Nuba soo ri jñanrra texe kʼo mama ne pajina

Unu̷ge klik ngekʼua ri jñanrra yo ri xoru̷

 Nu parte yeje 7

¿Kjo ngeje e Jesús?

¿Kjo ngeje e Jesús?

E Jehová o pejñe e Jesús kja ne Xoñijomu̷ (1 Juan 4:9)

Ma dya be mi a̷trʼa̷ e Jehová e Adán, o dya̷trʼa̷ ajensʼe na anxe kʼu̷ me ma zezhi. E Jehová me ra ma̷ja̷ ma ra kjagoji jaga nee kʼe anxe.

Ma o kjogu̷ yo paa e Jehová o pejñe kja ne Xoñijomu̷ kʼe anxe. E Jehová o tsjapu̷ ro nrrunte e María, kʼu̷ mi menzumu̷ a Belén, ngekʼua ro musʼu̷ na tsʼitrʼi. Nukʼu̷ mi ngeje kʼe anxe kʼu̷ mi bʼu̷bʼu̷ ajensʼe, o jñuspʼu̷ji Jesús. (Juan 6:38).

Na punkju̷ ntee mi jyodʼu̷ji e Jesús. E Jesús mi chjenjui nzakja e Jehová: me mi sʼiya yo ntee, mi pjosʼu̷. E Jesús dya mi su̱u̱ pje ro xipjiji yo ntee, mi zopju̷ mi xipji ro dya̷ta̷ji e Mizhokjimi.

 Zo e Jesús o tsjaa kʼo ma joo, mi bʼu̷bʼu̷ ntee kʼo mi u̷mbu̷ji (1 Pedro 2:21-24)

E Jesús mi kjapu̷ ro nrrisʼi kʼo mi sodye, xo mi kjapu̷ ro nangatrjo yo ntee kʼo ya bi ndu̱u̱.

Kʼo ntee kʼo mi otrʼu̷ axojñi kja o religión kʼo judío e Jesús o xipji mi kjaji kʼo mi neji, o xipji dya mi kjaji jama nee e Jehová. Ngekʼua kʼo bʼe̷zokʼo me mi u̷mbu̷ji e Jesús.

Kʼo bʼe̷zokʼo o xospu̷ji bʼechjine e Jesús ngekʼua kʼo xundaro romano, o mba̷ra̷ji e Jesús ñe o mbotrʼu̷ji.