Nuba soo ri jñanrra texe kʼo mama ne pajina

Unu̷ge klik ngekʼua ri jñanrra yo ri xoru̷

 Nu parte yeje 9

¿Jingua ra tsjaa e Mizhokjimi ne Xoñijomu̷ me rga zo̷o̷?

¿Jingua ra tsjaa e Mizhokjimi ne Xoñijomu̷ me rga zo̷o̷?

Ya na punkju̷ nrrumu̷ yo na kjaji kja ne Xoñijomu̷, ngekʼua dya kja ra mezhe ma ra manda Mizhokjimi kja ne Xoñijomu̷ (Lucas 21:10, 11; 2 Timoteo 3:1-5)

Yo paa yo ri ka̱ra̱jidya ya za̷dʼa̷ kʼo mama ne Biblia. Yo ntee kjaji k’o na sʼoo: potrʼu̷ji o dyoji, me neji merio, yo trʼii dya kja a̷ta̷ji o tataji ñe o nanaji.

Yo país kjaji na punkju̷ chu̱ʼu̱, yo ntee kjogu̷ji trjijmi, yo ntee pe̷sʼiji na punkju̷ ngijeme, ga mbii na zezhi ne Xoñijomu̷, nge kʼo mi mama ne Biblia ya za̷dʼa̷ yo paadya.

Ne Biblia mama ro bʼu̷bʼu̷ ntee texe kja ne Xoñijomu̷ ro maa zopju̷ji yo ntee kja o ngumu̷ji, ro xipjiji kʼu̷ dya kja ra mezhe ra manda o Reino Mizhokjimi (Mateo 24:14).

 Ma ra manda o Reino Mizhokjimi, ra kjuatu̷ texe yo na sʼoo (2 Pedro 3:13)

Dya kja ra mezhe ra za̷dʼa̷ kʼe paa ma e Mizhokjimi ra chjotu̷ texe yo na sʼonte.

E Mizhokjimi ra pa̱ntrʼa̱ e Satanás ñe yo demonio kja na trʼoʼo kʼu̷ me na je̱e̱.

Yo ntee kʼo kjaji kʼo nee e Mizhokjimi ra mimiji kja ne Xoñijomu̷. Dya kja ra bʼu̷bʼu̷ yo ntee kʼu̷ na sʼoo, dya kja ra bʼu̷bʼu̷ kʼo ponu̷ji, kʼo potrʼu̷ ntee, kʼo me u̷mbu̷ji in dyojui. Ra nga̱ra̱ji na joo, me ra ma̷ji, me ra sʼiyaji o dyojui.