Nuba soo ri jñanrra texe kʼo mama ne pajina

Unu̷ge klik ngekʼua ri jñanrra yo ri xoru̷

 Nu parte yeje 1

¿Jargi pa̱rge pje mama Mizhokjimi?

¿Jargi pa̱rge pje mama Mizhokjimi?

E Palesito ajensʼe jitsʼkʼoji ko ne Biblia (2 Timoteo 3:16)

Mi jingua, e Mizhokjimi o juajnu̷ bʼe̷zo go xipjiji ro dyu̷su̷ji kʼo mi mama angeze, o tsjaji na libro. Kʼe libro ngeje ne Biblia. Nujnu junsʼu̷ kʼo mama e Mizhokjimi ke ri tsjage.

E Mizhokjimi me pa̱ra̱ na punkju̷; xitsʼkʼoji pje ra kjaji ngekʼua ra mimiji na joo. Jitsʼkʼoji kja ne Biblia, ma ri zopju̷ ri pa̱ra̱ na joo pje ri tsjage (Proverbios 1:5).

Palesito ajensʼe nee ke nrrexe yo ntee ra xoru̷ji ne Biblia. O Jñaa e Mizhokjimi o dyopju̷ji kja na punkju̷ idioma.

¿Pje mama e Palesito ajensʼe? Ma gi nee ri pa̱ra̱, ri xoru̷ge na joo ne Biblia.

 Nrrexe kja ne Xoñijomu̷, na punkju̷ ntee nee ra mba̱ra̱ji pje mama o Jñaa e Mizhokjimi (Mateo 28:19)

Yo testigo e Jehová ra jitsʼi ngekʼua ri pa̱ra̱ pje kʼo mama ne Biblia.

Na jichiji yo ntee kja texe ne Xoñijomu̷.

Ma ra jitsʼigeji, dya pje ri tsjo̱trʼu̷. Mage ja jmuru̷ji yo testigo e Jehová ri pjechi jaga kjaa Mizhokjimi.