Nuba soo ri jñanrra texe kʼo mama ne pajina

Unu̷ge klik ngekʼua ri jñanrra yo ri xoru̷

 XORU̸ 12

E Jeoba me pa̱ra̱ ñe jitsʼkʼoji na joo jarga mimiji

E Jeoba me pa̱ra̱ ñe jitsʼkʼoji na joo jarga mimiji

Kja Proverbios gua e̱je̱ na punkju̷ jñaa kʼo pjoxkʼu̷goji ra mimiji jaga nee Mizhokjimi, e Salomón o opju̷ na punkju̷ jñaa yo gua e̱je̱ kja Proverbios

¿PJEKJA na joo ra a̷ta̷ji ñe ra kjaji kʼo mama e Jeoba? Ra xoru̷ji ne Biblia ngekʼua ra pa̱ra̱ji pjenga na joo ra a̷ta̷ji e Jeoba. E Salomón kja Proverbios o opju̷ na punkju̷ jñaa kʼo pjoxkʼu̷ji ngekʼua ra mimiji na joo. Nudya ra nuji pje mama kja Proverbios.

Ri jobige ko e Jeoba. Ri tsjaa kʼo mama e Salomón: “Ri jñutru̷ in mu̷bʼu̷ kʼu̷ ra mboxkʼu̷ Jeoba, dya ri tsjijñige gi pa̱ra̱tsje na joo ja rgi tsjapu̷. Dya ri jyombeñe ri dyotu̷ Mizhokjimi ra mboxkʼu̷ ngekʼua ri nzhodʼu̷ kja o ñii kʼu̷ na joo” (Proverbios 3:5, 6). Ri dya̷ta̷ Mizhokjimi ri tsjaa kʼo mama ne Biblia, ma ri tsjaa ga kjanu ra ma̷ja̷ o mu̷bʼu̷ in Tatazgoji kʼu̷ bʼu̷bʼu̷ ajensʼe, akjanu ra ñetsʼe kʼu̷ dya ga kjuana kʼo mama e Satanás (Proverbios 27:11).

In pjamiliage ñe yo ntee kʼo i̱ jobi. Yo paa yo ri ka̱ra̱jidya yo pjamilia kjogu̷ji nrrumu̷ kʼu̷ ix na se̷zhi. E Mizhokjimi mama kʼe bʼe̷zo kʼu̷ ñʼeje nu suu dya ra dyompu̷: “Ri ma̷pa̷ge ngextrjo nu in suge nu in chju̷ntu̷bi nzakja ma kja mi trʼiige” (Proverbios 5:18-20). Kja kʼe Proverbios mama pje ra tsjaa na nrrinxu ngekʼua o xira ñe o tsʼitrʼi ra respetaoji ra sʼiyaji (Proverbios nu capítulo 31). Kja ne Biblia mama kʼo trʼii ra a̷ta̷ji ra tsjaji kʼo xipjiji o tata ñe nu nana (Proverbios 6:20). Kʼe Proverbios mama me na joo ma ri jobige yo ntee, xo xitsʼiji dya ga joo ma ra xo̱gu̷ji dya kjo ra sa̷jna̷ji (Proverbios 18:1). Kja kʼe libro mama ra juajnu̷ji na joo kʼo ntee kʼo ra joji, dya ra joji ko ntee kʼo sinzgoji ra maa kjaji kʼo na sʼoo (Proverbios 13:20; 17:17).

Jaga mboxkʼu̷gojidya e Proverbios. Kʼe libro mama na punkju̷ jñaa kʼo pjoxkʼu̷goji yo paa yo ri ka̱ra̱jidya. Nujnu mama dya ga joo ke na ntee ra e̱ʼe̱ na punkju̷ vino. Mama me ma̷ja̷ ga mimi na ntee kʼu̷ dya mbeñe kʼo na sʼoo kja o mu̷bʼu̷, xo mama i̱ bʼepji kʼu̷ i̱ pe̷sʼi ri pepji ko texe in mu̷bʼu̷ dya ri ndijeme, ri pepji na joo (Proverbios 6:6; 14:30; 20:1). Mama ra a̷ta̷ji o jñaa e Mizhokjimi, dya ra kreoji kʼo jizhi yo ntee ma dya mama kja ne Biblia (Proverbios 14:12). Xo mama ra pjoru̷ji na joo jarga kjijñi in mu̷nkʼoji ngekʼua ra mimiji na joo (Proverbios 4:23).

Na punkju̷ ntee manji kʼe libro Proverbios ga mbosʼu̷ji ra minji na joo, eñe ma ra a̷ta̷ji ra kjaji kʼo mama e Jeoba nge kʼo ra mboxkʼu̷ji ra ka̱ra̱ji na joo.

(Nu kʼo gua e̱je̱ba xo ri jyodʼu̷ kja kʼe libro Proverbios.)