Nuba soo ri jñanrra texe kʼo mama ne pajina

¿Pje ra kjogu̷ yo paa yo ba e̱je̱?

¿Pje ra kjogu̷ yo paa yo ba e̱je̱?

¿Nrrexe yo na sʼoo yo kjogu̷ kja ne Xoñijomu̷...

  • ... ra sido ga kjakʼua nrrexe yo paa?

  • ... ra sa̷ja̷ nu paa kʼu̷ xenda ra sʼe̷zhikʼo?

  • ... ra sa̷ja̷ nu paa ma dya kja ra janrrajikʼo?

 NE BIBLIA MAMA

“Mizhokjimi ra ndintsʼpi texe o ngizhoji. Dya kja ra ndu̱ji. Dya kja pje xe ra mbeñeji. Dya kja xo ra gue̷ji. Dya kja xo ra zoji kʼu̷ rra u̷u̷. [...] Dya kja ra supjridoji. Ya nde dʼadyo texe.” (Apocalipsis 21:4, Nu O̱ Jña Mizhocjimi nu mama ja ga cja e Jesucristo, ro junsʼu̷ kʼua jaga opju̷jidya.)

MA RA SA̸JA̸ KʼO MAMABA KJA NE BIBLIA

Ra kjaji bʼe̷pji kʼo me rga jotrjo ñe me ra ma̷ji ma ra pe̷pjiji (Isaías 65:21-23).

Dya kja ra supjreji, dya kja ra so̷dyeji (Isaías 25:8; 33:24).

Ra minji na joo ko in pjamiliaji ñe ko yo ntee yo ra joji (Salmo 37:11, 29).

 ¿KJO NA KJUANA KʼO MAMA NE BIBLIA?

Ja̱a̱, jñanrra kʼo mamaba:

  • Mizhokjimi so̷o̷ ra tsjaa kʼo mama. Kja ne Biblia mama e Mizhokjimi so̷o̷ ra tsjaa nrrexe nange me na ze̷zhi (Apocalipsis 15:3). “Ngextjo Mizhokjimi kʼu̷ so̷o̷ ra tsjaa texe”. E Mizhokjimi mama ra tsjaa ne Xoñijomu̷ me rga zo̷o̷, angeze ra tsjaa texe kʼua ja nzi ga mama (Mateo 19:26).

  • Mizhokjimi xitsʼkoji pje nge kʼo nee ra tsjaa. Kja ne Biblia mama ke e Mizhokjimi me nee ke yo ya nrru̱u̱ ra mimiji na yeje (Job 14:14, 15).

    Ma ri xorgoji ne Biblia ri unu̷ji nguenda kʼo go tsjaa e Jesús. Angeze me mi juentsʼe kʼo ntee mi kjapu̷ ro kʼueñe o ngijeme. Pe, ¿pjekja go mbo̷sʼu̷ kʼo nteekʼo? Ne Biblia mama ke angeze me mi nee ro tsjaakʼo (Marcos 1:40, 41). Kʼo go tsjaa e Jesús, jitsʼkoji ke e Mizhokjimi Jeoba nee ra mbo̷xkoji (Juan 5:19).

    E Jeoba ñe e Jesús nebi ke yo ntee ra minji na joo kja ne Xoñijomu̷ texe yo paa (Salmo 72:12-14; 145:16; 2 Pedro 3:9, Traducción del Nuevo Mundo).

 MU̸ GI O̸NU̸GE

¿Pje ra tsjaa Mizhokjimi ngekʼua yo ntee ra minji na joo kja ne Xoñijomu̷?

Ri xorge pje mama ne Biblia kja MATEO 6:9, 10, Traducción del Nuevo Mundo, ñe DANIEL 2:44.