Nuba soo ri jñanrra texe kʼo mama ne pajina

¿Pje ra tsjaji yo pjamilia ngekʼua ra ma̷ji?

¿Pje ra tsjaji yo pjamilia ngekʼua ra ma̷ji?

¿Yo pjamilia ra ma̷ji ma...

  • ... texeji ra sʼiyaji?

  • ... ra ju̷̱ji na punkju̷ merio?

  • ¿Pje gi mange?

 NE BIBLIA MAMA

“Xenda ma̷ja̷ kʼo ntee [...] kʼo a̷ra̷ o jñaa e Mizhokjimi, ñeje pe̷sʼpʼi” (Lucas 11:28, Yo dʼayʼo jñaʼa mižokjimi kʼwaja ga tʼopjü kja jñatjo, ro junsʼu̷ kʼua jaga opju̷jidya.)

MA RA PJECHIJI KʼO MAMA NE BIBLIA

Texeji ra sʼiyaji (Efesios 5:28, 29).

Texeji ra respetaoji (Efesios 5:33).

Texeji ra ka̱ra̱ji na joo dya ra chu̱ji (Marcos 10:6-9).

 ¿KJO NA KJUANA KʼO MAMA NE BIBLIA?

Ja̱a̱, jñanrra kʼo mamaba:

  • E Mizhokjimi o tsjaa ke ro bʼu̷bʼu̷ yo pjamilia. Kja ne Biblia mama ke e Mizhokjimi Jeoba o tsjaa kʼu̷ ro mimibi e Adán ñe e Eva (Génesis 2:18-24). E Jeoba go dya̷trʼa̷ kʼe bʼe̷zo ñe kʼe nrrinxu ngekʼua ro mimibi, ro ngejebi na pjamilia. ¿Pjekja na joo ra pa̱ra̱ji kjo nge kʼu̷ go tsjaa yo pjamilia?

    Ma ri sige na jñonu̷ kʼu̷ mi na kijmi, ¿pje ri tsjage ma gi nee ri pa̱ra̱ ja gua dya̷trʼa̷ji? Ri dyo̷nu̷ge kʼe ntee kʼu̷ go dya̷trʼa̷ kʼe jñonu̷.

    Xo akjanu, ma gi nee ri pa̱ra̱ pje ri tsjaa ko in pjamilia ngekʼua ri ma̷ji rgi mimiji, ri xoru̷geji pje mama e Jeoba kja ne Biblia.

  • E Mizhokjimi me sʼiyazgoji. Ma nutsʼkʼe ñe in pjamilia ri xoru̷ji ne Biblia, ri cho̷trʼu̷geji pje mama e Jeoba ke ri tsjageji, nange “angeze me mbentsʼeji ga mbo̷kʼu̷ji” (1 Pedro 5:6, 7). E Jeoba nee ke ra mimiji na joo, texe kʼo jitsʼkoji kja ne Biblia pjo̷xku̷goji (Proverbios 3:5, 6; Isaías 48:17, 18).

 MU̸ GI O̸NU̸GE

¿Pje ra tsjaji yo tata, yo xira ñe yo suu ngekʼua ra mbo̷sʼu̷ji o trʼiji?

Ri xorge pje mama ne Biblia kja EFESIOS 5:1, 2 ñe COLOSENSES 3:18-21.