Nuba soo ri jñanrra texe kʼo mama ne pajina

Unu̷ge klik ngekʼua ri jñanrra yo ri xoru̷

 Xoru̷ 1

E Mizhokjimi nee ke ra pa̱rgoji yo mamaba

E Mizhokjimi nee ke ra pa̱rgoji yo mamaba

1. ¿Pje nge kʼo na joo kʼo mama e Mizhokjimi ke ra tsjaa?

E Mizhokjimi me sʼiyazgoji ngekʼua ma go dya̷trʼa̷ ne Xoñijomu̷ o tsjaa me na zo̷o̷ ngekʼua me ra ma̷ji ra mimiji. Dya kja ra mezhe ma ra tsjaa ne Xoñijomu̷ me rga zo̷o̷, dya kja ra bʼu̷bʼu̷ nrrumu̷ yo ri kjogu̷jidya. Xoru̷ge kja Jeremías 29:11.

Yo manrro yo mandajidya dya pjechiji pje ra tsjaji ngekʼua yo ntee ra ka̱ra̱ji na joo, bʼu̷bʼu̷ kʼo potrʼu̷ji o dyojui, kʼo kjaji chu̱ʼu̱ xo ri sodyeji ñe ri tu̱ji. Ngekʼua e Mizhokjimi mama ra chjotu̷ yo manrro kʼo mandajidya kja ne Xoñijomu̷, dya kja ra mezhe ra za̷dʼa̷kʼo. E Mizhokjimi mama kʼo me na joo, angeze mama ra ñe̷me o Reino ngekʼua ra manda kja ne Xoñijomu̷, akjanu yo ntee ra ka̱ra̱ji na joo. Xoru̷ge kja Isaías 33:24; Daniel 2:44; Apocalipsis 21:4.

2. ¿Pjekja na joo ke ri pa̱rge ñe ri tsjaa kʼo mama ne Biblia?

Kja ne Biblia mama ke ma e Mizhokjimi ra chjotu̷ yo na sʼonte dya kja ra supjrejima (Sofonías 2:3). E Mizhokjimi dya kja ra mezhe ra tsjaayo. Kja ne Biblia mama ke ma rgua kjogu̷ na punkju̷ kʼo na sʼoo kja ne Xoñijomu̷ dya kja ro mezhe ro za̷dʼa̷kʼo. Xoru̷ge kja 2 Timoteo 3:1-5.

3. ¿Pje ri tsjage?

E Mizhokjimi me nezgoji, o dyakoji ne Biblia ngekʼua ra pa̱rgoji jaga kjaa angeze. E Mizhokjimi ngeje nzakja na tata kʼu̷ me nee o trʼii, opju̷ na skuama kjanu penpe ngekʼua kʼe trʼii ra mba̱ra̱ pje ra tsjaa o tata. Ga kjanu e Mizhokjimi o dyakoji ne Biblia, xitsiji jarga minji na joo ñe pje ra kjaji ngekʼua ra minji kja ne Xoñijomu̷ ma me rga zo̷o̷. Pe ma ri xoru̷ge ne Biblia ra bʼu̷bʼu̷ ntee kʼu̷ ra u̷nkʼu̷, pe nutsʼkʼe dya ri jye̷zi ri xoru̷ ne Biblia, me na joo kʼo nee e Mizhokjimi ke ri pa̱rge. Xoru̷ge kja Proverbios 29:25; Apocalipsis 14:6, 7.