Nuba soo ri jñanrra texe kʼo mama ne pajina

Unu̷ge klik ngekʼua ri jñanrra yo ri xoru̷

 Xoru̷ 7

Ra xitsʼi jaga kjaa o Reino Mizhokjimi

Ra xitsʼi jaga kjaa o Reino Mizhokjimi

¿Pjenga e Jesús ra manda na joo?(MARCOS 1:40-42)

1. ¿Pje nge o Reino Mizhokjimi?

Ne Biblia mama dya kja ra mezhe ra za̷dʼa̷ kʼe paa ma o Reino e Mizhokjimi ra chjotu̷ yo manrro kʼo mandajidya kja ne Xoñijomu̷. Ngextrjo o Reino e Mizhokjimi ra manda, ra tsjaa kʼo na joo, ra mbo̷sʼu̷ yo ntee ngekʼua dya pje ra bʼe̷tsʼpʼiji ñe ra nga̱ra̱ji na joo. Nrrexe yo ntee ra sʼiyaji o dyoji ñe ra mbo̷sʼu̷ji o minteji. Xoru̷ge kja Daniel 2:44; Mateo 6:9, 10; 24:14TNM.

Kʼe ntee kʼu̷ manda kja dʼa reino nge kʼe rey. Xo akjanu e Jeoba o juajnu̷ e Jesucristo ngekʼua ra manda kja o Reino. Xoru̷ge kja Apocalipsis 11:15.

2. ¿Pjenga ri manji ke dya bʼu̷bʼu̷ na Rey nzakja e Jesús?

Dya bʼu̷bʼu̷ na Rey nzakja e Jesús, angeze me na jonte, ra ngeje na Rey kʼu̷ ra tsjaa kʼo me na joo (Juan 1:14). Ndizi ajensʼe, e Jesús ra manda kja ne Xoñijomu̷. Angeze xo me na zezhi ngekʼua soo ra mbo̷sʼu̷ yo ntee. Ma e Jeoba go tsjapʼu̷ ro tetrjo e Jesús, go nzhogu̷ ajensʼe, o za̷trʼa̷ nuja bʼu̷bʼu̷ e Jeoba go tebʼenu (Hebreos 10:12, 13). Go ndebʼe jesta ma go za̷dʼa̷ kʼe paa ma e Jeoba go unu̷ ro mbe̷zhi rey ajensʼe. Xoru̷ge kja Daniel 7:13, 14.

3. ¿Janzi ntee ra ma mandaji ko e Jesús ajensʼe?

Mizhokjimi o juajnu̷ ntee kʼu̷ ra mandaji ko e Jesús ajensʼe (Daniel 7:27). E Mizhokjimi primero o juajnu̷ kʼo apostole kʼo go tsjaji kʼo mi mama e Jesús. Yo paadya e Jeoba xi ga juajnu̷ ndinxu ñe bʼe̷zo kʼo ra ma mandaji ko e Jesús. Ma ga tu̱ji, nzakja e Jesús ra tetrjoji na yeje ngekʼua ra moji ajensʼe, dya kja ra soo ra janrraji. Xoru̷ge kja Juan 14:1-3; 1 Corintios 15:42-44.

 ¿Janzi ntee ra moji ajensʼe? E Jesús go mama ke “janzitrjo [...]” ra moji ajensʼe (Lucas 12:32). Ngextrjo 144.000 ntee ra ma mandaji ko e Jesús. Xoru̷ge kja Apocalipsis 14:1.

4. ¿Pje go tsjaa e Jesús ma go mbu̷ru̷ go manda ajensʼe?

Kja kʼe kje̷e̷ 1914, e Jeoba o ñesʼe e Jesús ro manda kja o Reino. * Ma go mbu̷ru̷ go manda e Jesús go pjongu̷ ajensʼe e Satanás ñe kʼo demonio, go pa̱ntrʼa̱jiba kja ne Xoñijomu̷. E Satanás meko u̷dʼu̷ na punkju̷ ngekʼua o ne̱e̱ tsjaa kʼo me na sʼoo kja ne Xoñijomu̷ (Apocalipsis 12:7-10, 12). Ngekʼua yo manrro kjaji chu̱ʼu̱ ko ñaja pais, na punkju̷ ntee dya pe̷sʼiji pje ra ziji, pe̷sʼi ngijeme kʼo na sʼoo xo bʼu̷bʼu̷ paa ma ga mbii na zezhi ne Xoñijomu̷ na punkju̷ ntee ga tu̱ji. E Jesús go mama ke ma ro janrrajikʼo dya kja ro mezhe kʼe paa ke o Reino e Mizhokjimi ra mbo̷sʼu̷ yo ntee kja ne Xoñijomu̷. Xoru̷ge kja Lucas 21:7, 10, 11, 31.

5. ¿Pje na kjaa e Jesús nudya kʼu̷ manda ajensʼe?

Yo paadya, e Jesús pejñe o disipulo ra ma zopju̷ji yo ntee kja o ngumu̷ji ra jichiji pje ra tsjaji ngekʼua ra nuji kʼe paa ma e Mizhokjimi ra tsjaa ne Xoñijomu̷ me rga zo̷o̷. Yo a̷ta̷ Mizhokjimi mimiji jaga nee e Jesús. Yo nteeyo e Jeoba me sʼiyakʼo, dya pje ra tsjapu̷ ma ra chjotu̷ yo kjaji yo na sʼoo kja ne Xoñijomu̷. Xoru̷ge kja Apocalipsis 7:9, 14, 16, 17.

Ma ra manda e Jesús mil kje̷e̷, ra tsjapu̷ me rga zo̷o̷ ne Xoñijomu̷ janzi ma kjaa kʼe jardin a Edén. Ma ra nguaru̷ kʼo mil kje̷e̷, e Jesús ra nzhotu̷ e Jeoba ne reino ngekʼua e Jeoba ra manda texe yo paa (1 Corintios 15:24-26TNM). Me na joo kʼo ra tsjaa o Reino Mizhokjimi, bʼu̷ma i̱ pa̱rge ntee kʼe dya pa̱ra̱jikʼo, xipji ngekʼua xo ra mba̱ra̱ji pje ra tsjaa o Reino Mizhokjimi. Xoru̷ge kja Salmo 37:10, 11, 29.

^ par. 12 Ma gi nee ri pa̱rge pje mama ne Biblia jingua ro mbu̷ru̷ ro manda o Reino Mizhokjimi, ri xoru̷ge kʼe skuama ¿Qué enseña realmente la Biblia? Kja kʼe pajina 215-218.