Nuba soo ri jñanrra texe kʼo mama ne pajina

Unu̷ge klik ngekʼua ri jñanrra yo ri xoru̷

 Xoru̷ 14

E Mizhokjimi juajnu̷ ntee ngekʼua ra tsjaji o bʼepji

E Mizhokjimi juajnu̷ ntee ngekʼua ra tsjaji o bʼepji

1. Ma e Mizhokjimi o juajnu̷ kʼo israelita, ¿pje go xipji ro tsjaji?

E Mizhokjimi o juajnu̷ ntee ke ro mimiji jama nee angeze, je bi ñe̱je̱ kja o trʼii e Abrahánkʼo. E Mizhokjimi go xipji jarba minji. E Jeoba go mama mi nge o jñiñi o jñuspʼu̷ “Israel”. Nrrexe kʼo ntee kʼo mi ka̱ra̱ kja ne Xoñijomu̷ nge angezeji ro mimiji jama nee e Jeoba (Salmo 147:19, 20). E Jeoba ro jichi kʼo israelita pje ro tsjaji ngekʼua ro mbo̷sʼu̷ji kʼo ntee kʼo mi ka̱ra̱ji nrrexe nu Xoñijomu̷. Xoru̷ge kja Génesis 22:18.

E Palesito ajensʼe o juajnu̷ kʼo israelita ngekʼua ro ngeji o “nrrestigoji” ro jichiji kʼo ntee jaga kjaa angeze (Isaías 43:10). Ri xoru̷ji kja ne Biblia ke kʼo israelita ma mi kjaji kʼo mi mama e Jeoba, mi ka̱ra̱ji na joo (Deuteronomio 4:6). Kʼo jñiñi kʼo bʼe̷xtrjo mi bʼu̷bʼu̷ kja kʼo israelita ro jñanrraji jama tsjaji kʼo israelita ga kjanu ro mba̱ra̱ji jama nge e Jeoba. Xoru̷ge kja Isaías 43:12.

2. ¿Pje go xipji e Jesús ke ro tsjaji kʼo ntee kʼo mi trju̷ntʼu̷ axu̷trju̷ angeze?

Ma go kjogu̷ kʼo paa kʼo israelita dya kja go tsjaji texe kʼo ma joo ngekʼua e Mizhokjimi dya kja go nee kʼo nteekʼo, go juajnu̷ nʼaño ntee mi ngeji kʼo ntee kʼo mi trju̷ntʼu̷ axu̷trju̷ e Jesús (Mateo 21:43; 23:37, 38). Nudya, yo paa yo ri ka̱ra̱jidya yo ntee kʼo mimiji jaga nee Mizhokjimi ngeje yo nrrestigo e Jeoba. Xoru̷ge kja Hechos 15:14, 17.

E Jesús o xipji kʼo mi trju̷ntrʼu̷ji axu̷trju̷ ro jichiji yo ntee kjo nge e Jeoba, akjanu ro cho̷trʼu̷ji ntee kʼo mi nee ro tsjaji kʼo mi mama angeze (Mateo 10:7, 11; 24:14; 28:19, 20). E Jeoba nee ke yo ntee ra mba̱ra̱ji kʼo na kjuana ngekʼua yo paadya yo nrrestigo e Jeoba jichiji na punkju̷ ntee pje mama ne Biblia kja nrrexe nu  Xoñijomu̷, jama nee e Jesús. Ro za̷dʼa̷ kʼu̷ ro janrrajikʼo ma a ra nguaru̷ nrrexe yo na sʼoo kʼo kjaji kja ne Xoñijomu̷ (Apocalipsis 7:9, 10). Yo ntee kʼo kjaji kʼo nee e Jeoba chju̷ma chju̷ma xampjaji pje ra xoru̷ji, ma jmuru̷ji a̷ra̷ji pje mama ne Biblia, nukʼo pjo̷sʼu̷ji ra mimiji na joo. Kʼo xoru̷ji nge kʼo xoru̷ji nrrexe kja ne Xoñijomu̷. Ma jmuru̷ji zengua o kjuarmaji, onu̷ji pje kjaji, ma pa̱ra̱ji pje kʼo go kjogu̷ na kjuarma pjo̷sʼu̷ji. Xoru̷ge kja Hebreos 10:24, 25.

3. ¿Jagua mba̱ra̱ji yo nrrestigo e Jeoba ro jichiji yo ntee?

Kja kʼe kje̷e̷ 1870, go bʼu̷bʼu̷ ntee kʼo o mbu̷ru̷ji go xoru̷ji pje mama ne Biblia, o pjechiji ke e Jesús mi xipji o disipulo ro maa jichiji yo ntee o Reino e Mizhokjimi. Je ba kjanu go mbu̷ru̷ go tsjajikʼo kja texe ne Xoñijomu̷. Kja kʼe kje̷e̷ 1931, o jñuspʼu̷ji nrrestigo e Jeoba. Xoru̷ge kja Hechos 1:8; 2:1, 4; 5:42.

4. ¿Jaga pepjiji yo Nrrestigo e Jeoba?

Kja kʼe siglo dʼaja kja ne Xoñijomu̷ mi bʼu̷bʼu̷ bʼe̷zo kʼo mi xipjiji kʼo kjuarma jargua pepji ñe jango ro jmuru̷ji, mi pa̱ra̱ji ke e Jesús nge nu mi manda kja yo kongregasion (Hechos 16:4, 5). Nzakja mi jingua, nudya yo nrrestigo pe̷sʼiji bʼe̷zo kʼu̷ otrʼu̷ axojñi. Pjo̷sʼu̷ji yo ntee kʼo pepjiji kja yo opjisina kʼu̷ xiji Betel kʼu̷ bʼu̷bʼu̷ kja texe ne Xoñijomu̷. Kja yo opjisina bʼu̷bʼu̷ ntee kʼu̷ opju̷ji xiskuama kja mas de 600 idioma. Yo kjuarma kʼu̷ otrʼu̷ axojñi pjo̷sʼu̷ji ñe jichiji ko ne Biblia pje ra tsjaji ñe jarga minji yo kjuarma. Nrrexe ne Xoñijomu̷ bʼu̷bʼu̷ ngumu̷ nuja jmuru̷ji, bʼu̷bʼu̷ mas de sien mil kongregasion. Kja yo kongregasion jango jmuru̷ji yo nrrestigo e Jeoba bʼu̷bʼu̷ kjuarma kʼo otrʼu̷ axojñi, nukʼo ga pjo̷sʼu̷ji yo kjuarmakʼo. Xoru̷ge kja 1 Pedro 5:2, 3.

Nzakja kʼo apostole mi jingua, yo Nrrestigo e Jeoba poji kja o ngumu̷ yo ntee jichiji pje mama ne Biblia akjanu na punkju̷ ntee xo ra tsjajikʼo ra mbo̷sʼu̷ji nʼaño ntee (Hechos 20:20). Pjo̷sʼu̷ji yo ntee kʼo me nee ra mba̱ra̱ji pje mama Mizhokjimi. Yo nrrestigo e Jeoba ri sʼiyaji in kjuarma ñe in kju̱ʼu̱ kʼo poji ja ni jmurgojme, in Mizhokjimigojme Jeoba me nezgoji (2 Tesalonicenses 1:3). Me ri ma̷kjoji ma ri kjagoji kʼo mama e Jeoba ñe ma ri pjo̷sʼu̷ji yo ntee. Xoru̷ge kja Salmo 33:12; Hechos 20:35.