Nuba soo ri jñanrra texe kʼo mama ne pajina

¿Ra sa̷ja̷ nu paa ma dya kja ra supjreji?

¿Ra sa̷ja̷ nu paa ma dya kja ra supjreji?

¿Pje i̱ mange?

  • Ja̱a̱.

  • Iyo.

  • Bʼu̷ma ja̱a̱.

 NE BIBLIA MAMA

“Mizhokjimi ra ndintsʼpi texe o ngizhoji. Dya kja ra ndu̱ji. Dya kja pje xe ra mbeñeji. Dya kja xo ra gue̷ji. Dya kja xo ra zoji kʼu̷ rra u̷u̷.” (Apocalipsis 21:4, Nu O̱ Jña Mizhocjimi nu mama ja ga cja e Jesucristo, ro junsʼu̷ kʼua jaga opju̷jidya.)

MA RA PJECHIJI KʼO MAMA NE BIBLIA

Ra pa̱ra̱ji ke dya nge e Palesito ajensʼe ke penkʼezgoji kʼo na sʼoo (Santiago 1:13).

Ra pa̱ra̱ji ke e Palesito ajensʼe me juentsʼkoji ma ri supjregoji (Zacarías 2:8).

Ra pa̱ra̱ji ke dya kja mezhe e Palesito ajensʼe ra mbo̷xkoji ngekʼua dya kja ra supjreji (Salmo 37:9-11).

 ¿KJO NA KJUANA KʼO MAMA NE BIBLIA?

Ja̱a̱, jñanrra kʼo mamaba:

  • E Palesito ajensʼe me sentio kja o mu̷bʼu̷ ma ri supjregoji. Mi jinkjoma mi ka̱ra̱ ntee kʼo mi kjapu̷ ro supjre kʼo israelita. ¿Jaba zoʼo e Jeoba ma mi janrra ja ma supjreji? Ne Biblia mama ke angeze me mi sichʼi kja o mu̷bʼu̷ ma mi janrrakʼo (Jueces 2:18).

    E Palesito ajensʼe dya sʼiya yo ntee kʼo kjapu̷ji kʼo na sʼoo nu dyoji. Ne Biblia mama ke angeze me u̷mbu̷ kʼo potrʼu̷ji ntee (Proverbios 6:16, 17).

  • E Palesito ajensʼe sʼiyazgoji nrrexezgoji. Ma pje kjogu̷zgoji kʼo na sʼoo, zo ri mamaji dya kjo tendio ja ga sogoji, dya ri bʼu̷ntsje̷ji e Jeoba pa̱ra̱ ja ga sogoji (2 Crónicas 6:29, 30).

    E Palesito ajensʼe ra ñe̷me o Reino ra mandaba kja ne Xoñijomu̷ ngekʼua ra mbo̷sʼu̷ yo ntee ra mimiji na joo, dya kja ra supjreji (Mateo 6:9, 10, Traducción del Nuevo Mundo). Yo paadya ri supjregoji, pe ma ra jodʼu̷ji e Jeoba, angeze dya ra jye̷zgoji ra mbo̷xku̷goji (Hechos 17:27, Traducción del Nuevo Mundo; 2 Corintios 1:3, 4).

 MU̸ GI O̸NU̸GE

¿Pjekja e Jeoba je̷zi ke ra kjogu̷ji kʼo na sʼoo?

Ri xorge pje mama ne Biblia kja ROMANOS 5:12 ñe 2 PEDRO 3:9, Traducción del Nuevo Mundo.