Arehaꞌat terān yne

Arehaꞌat terān popera piat koꞌi

5. Kat pote asom Iesui ikuꞌuro

5. Kat pote asom Iesui ikuꞌuro

1 AIPYHIK PIAT EWY WATUKUPTEꞌEN

Atum irane uheig̃neꞌen hap saꞌup mītꞌīn kyiꞌat Tupana wuatnuat hamo e Iesui. — Mateu 20:28

Kat hag̃ aipyhik.

  • Ienesi 3:17-19

    Atãu ȳt timontypotꞌi Tupana miꞌi pote iꞌaparap hat toig̃neꞌen. Miꞌi hawyi Tupana tiporenotem Atãu Nusuken note pyi.

  • Humanu 5:12

    Torānia ti watõꞌẽ Atãu kaipyi. Miꞌi pote ti torānia aitoria iꞌaparap haria hawyi aikuꞌuro wy.

  • Ewesu 1:7

    Iesui ikuꞌuro aiminug̃ saꞌag̃ koꞌi soꞌoknug̃ hamo. Iꞌaparap hap g̃uꞌuro hap aikotā̃ aipyhik hap ewy. Maꞌato Iesui kuꞌuro hap puo pyi watuwẽtem kuap aipyhik hap pyi.

2 TUPANA TIPOꞌORO IESUI MESŪWAT YI KAPE IKUꞌURO AHUPI HAMO

Tupana tipoꞌoro Tosaꞌyru sese ahowawi aimoieig̃neꞌen pakupꞌi nug̃ hamo. — 1 Iuwãu 4:9

Tupana aipowȳro kahato watuwẽtem hamo aipyhik hap pyi. Aikotā̃ meig̃.

  • Saumu 49:7, 8

    Ȳt uweꞌi hum kuap toweig̃neꞌen hap saꞌup nug̃ Tupana piat hamo. Iꞌaparapꞌi rakat yn hoꞌoknug̃ kuap aimiꞌaparap koꞌi upi.

  • Iruka 1:35

    Tupana tipoꞌoro Tosaꞌyru sese mesūwat yi kape. Iesui ti hampȳk kahato rakat ȳt iꞌaparapꞌi rakat toig̃neꞌen.

  • Humanu 3:23, 24; Epereu 9:24

    Iesui ikuꞌuro ahupi. Miꞌi hawyi Tupana timoehaig̃te raꞌyn Iesui g̃uꞌuro pyi miꞌi hawyi Iesui toto raꞌyn atipy kape. Iesui kuꞌuro hap puo pyi Tupana tum ahepe wuatꞌi eꞌāt piat weig̃neꞌen hap.

3 IESUI KUꞌURO HAP AIPOWȲRO KAHATO

Koitywy ti aru ȳt karāmpeꞌi teꞌeruwak poꞌog̃ e. Ȳt katꞌi poꞌog̃ haty hap itote e iꞌatuehaig̃te sese itote e. — Iesui Aru E Hap 21:4

Aikotā̃ me asom Iesui kuꞌuro hap aipowȳro kuap.

  • 1 Iuwãu 1:8, 9

    Iesui kuꞌuro hap puo pyi Tupana tiwāure kuap yne mītꞌīn miꞌaparap koꞌi.

  • Epereu 9:13, 14

    Iesui kuꞌuro hap puo pyi watoiat kuap yne aiwanentup saꞌag̃ koꞌi ahetiat.

  • Humanu 6:23

    Iesui kuꞌuro hap puo pyi watukupteꞌen kuap wuatꞌi eꞌāt pe hamuat.

  • Karasia 2:20

    Iesui kuꞌuro hap puo pyi Tupana timoherep aikyꞌe kahato hap. Iesui aikyꞌe kahato wy.

4 WAKU WATIMOHEY KAHATO IESUI IKUꞌURO HAP KAPE

Tupana tum Tosaꞌyru wentup ok takat mītꞌīn me. Miꞌi pote uwe uwe imohey miꞌi haria wyti aru ȳt ikuꞌuro seseꞌi maꞌato wuatꞌi eꞌāt pe raꞌyn iꞌatuehaig̃te hap toig̃neꞌen e Iesui. — Iuwãu 3:16

Waku wahewaku Tupana kape Iesui ikuꞌuro hap upi. Aikotā̃ meig̃.

  • Iuwãu 17:3

    Waku Ieuwa hawyi Iesui kuap haria wo watukupteꞌen. Iꞌewȳte waku wahaꞌag̃ kahato Ieuwa hawyi Iesui waku nug̃ hap ewywuat nug̃ hamo.

  • Iruka 22:19

    Waku ereto tuereto Iesui kuꞌuro hap kuekatu hap wentup anu wentup anu hap kape.

  • Iuwãu 3:36; Tiaku 2:24

    Waku etihaymohey kahato Iesui woꞌonãpin hap koꞌi ete. Etimoherep kuap eminug̃ koꞌi puo pyi etimohey sese Iesui hap sio ȳtꞌi hap.