Ir al contenido

Ir al índice

 KJOAʼMIYA 4

Ánni nga kui kichʼasjesínijin je Traducción del Nuevo Mundo

Ánni nga kui kichʼasjesínijin je Traducción del Nuevo Mundo

República Democrática del Congo

Ruanda

Chxʼoále Biblia jchá xi én griego tjítʼa xi kisikʼatoya Símaco jña faʼaitʼa jaʼaínle Niná ya Salmo 69:31. Tsakui nichxin kʼia saʼnda kijnani xo̱njchá jebi nga jejaʼato nó 200 kʼoa tsakʼiaje̱ nga jejaʼato nó 300

Je testigole Jeobá nkjín koya Biblia kisichjén ngasʼa. Tsakʼasje kʼoa kisikʼabíson Biblia jebi. Tonga tsabe nga jngo Biblia machjénle chjota xi ñaki koasenkao “nga kuichonrʼoe xi kjoakixi”, kʼoa jé Niná xi kʼoasʼin mele (1 Timoteo 2:3, 4). Kʼianga kicho nó 1950 kʼiaa choa choa kitjo je Biblia xi én inglés faʼaitʼa je xi Traducción del Nuevo Mundo ʼmi. Biblia jebi kui én síchjén xi machjén ndʼaibi kʼoa ñaki kʼoakisʼe jotjío je xo̱njchá xi kjio saʼnda ngasʼa kʼoa tsʼato 130 én tíbitjo.

Jngo Biblia machjén xi sasa koa̱njinniná. Én xi nokjoaa bijbi bʼantjaiya jokji nga faʼato nichxin. Nkjín Biblia kjio xi énjchá síchjén kʼoa xi tsín timajinniná én xi faʼaitʼa. Kʼoati kjimasjai xo̱njchá xi Énle Niná nya. Xo̱n jebi ngisa mangóson kao je xo̱n xi títjon kichji. Kʼoa ngisa basenkaoná nga machoyaná nga jan én xi títjon kichji Biblia, je én Hebreo, Arameo kʼoa kao Griego.

Jngo Biblia machjén xi ñaki kʼoasʼe̱ jotso je Énle Niná. Je chjota xi síkʼatoya Biblia alikui koa̱n nga tokʼoakʼoe Biblia josʼin mele, tjínnele kʼoakʼoe jokjoantjín je xo̱n xi títjon kichji. Tonga ndʼaibi, nʼio nkjín Biblia xi tsín faʼaitʼa jaʼaínle Niná nga Jeobá ʼmi.

Jngo Biblia machjén xi kʼoakuitso ʼya tsʼe je én xi nya (2 Samuel 23:2). Je Traducción del Nuevo Mundo mela ñato jmi kʼa faʼaitʼa je jaʼaínle Niná josʼin jaʼaitʼa je xo̱njchá xi kjio ngasʼa, tojosʼin bakó xo̱njchá xi faʼaitʼa ngitsʼin ibi (Salmo 83:18). Je Biblia jebi ñaki nda maxkianá josʼin jaʼatoya je kjoafaʼaitsjenle Niná, nga̱ je xi kisikʼatoya nʼio nkjín nó tsakatiotsʼinya. Ni jekijna Biblia jebi kʼoa ni mai je én xi nokjoai, tingalai yaoli nga nyaon nyaon tʼexkiai je Énle Niná (Josué 1:8; Salmo 1:2, 3).

  •  Ánni nga jngo Biblia tsakʼasjesíni je testigole Jeobá.

  •  Jméni xi ndatjín nga sʼin nga nyaon nyaon ʼyani xi mele skoe̱ jme xi mele Niná.