Ir al contenido

Ir al índice

 KJOAʼMIYA 25

Jósʼin sʼenda je Ndʼia jña chotʼayaijin kʼoa jmé xá sʼendani

Jósʼin sʼenda je Ndʼia jña chotʼayaijin kʼoa jmé xá sʼendani

Bolivia

Ndʼia jña chotʼayá xi koanchjén ngasʼa kʼoa kao xi machjén ndʼaibi ya Nigeria

Tahití

Ya Ndʼia jña chotʼayaijin kui ʼmiyanajin jmeni xi tsakakóya Jesús kʼianga jaʼai i̱ Sonʼnde (Lucas 8:1).

Yaa ʼyaxkuínjin je Niná. Yaa tje̱n sʼendajinni josʼin ʼmiyason je énnda chjotse (Mateo 24:14). Ndʼia jebi alikui tongóson kjoan kʼoa alikui síxkónkjoan. Kʼoa tjío jñani nkjín jtín batioxkó xi tiyani Ndʼia jebi. Je nó xi tífaʼato jmi Ndʼia jña chotʼayaijin tjíosʼenda. Tome tsa aon tjíosʼenda nga nyaon nyaon. Kui kʼoakjimani nga kjimankjín je jtín. Jñá tínroani je tao̱n xi kjimachjén kʼoa ʼyáni xi tjíobʼénda Ndʼia jebi (Mateo 19:26).

Kui sʼendani je tao̱n xi toxá satíoni nga kʼoasʼin koa̱nchjén. Tao̱n jebi yaa nikasénle sucursal xi bʼakaole. Kʼoa jé sucursal jebi síkinyale je tao̱n xi machjénle je jtín xi jngo Ndʼia jebi mele kʼoenda kʼoa tsamaije̱ tokʼoendaya.

Je ndsʼee xi bʼénda Ndʼia jebi alikui machjíle kʼoa xinxin ʼndele. Tjín naxinandáyʼai jñani tjíosatío xi Grupos de Construcción de Salones del Reino ʼmi. Je ndsʼee xi ya tjíojin grupo jebi fi jñani saʼnda tíjna je jtín xi kui Ndʼia jebi mele kʼoenda. Binyakao je ndsʼee xi ya tsʼe nga bʼénda Ndʼia jña koatiojtín. Kʼoa jñani xin naxinandáyʼai, tjío je ndsʼee xi xá kitjoejinni nga je bándiaa nga sʼenda kʼoa nga sʼendaya je Ndʼia jña chotʼayá xi tjío ya ʼnde jña bʼakaole. Nkjín mani xíngiaa xi tsjoánganʼio xi ñaki kui xále kʼoa alikui machjíle. Tjíokʼa xi chjotajchínga sʼin tjío xi jenʼio nda male bʼénda Ndʼia jebi kʼoa kao xíngiaa xi tsjoánganʼio xi ñaki kui xále. Je xíngia jebi alikui machjíle je xá xi sʼín. Je xi ngisa tsjoánganʼio kʼianga sʼenda Ndʼia jebi jéní xíngiaa xi ya koatiojtín. Je xi nʼio tjíobinyakaonajin nga tíbitjosonnajin xá jebi kui nganʼiotsjele Jeobá kʼoa nga kao kjoatsjoa tsjoánganʼio ngatsʼi xíngiaa (Salmo 127:1; Colosenses 3:23).

  •  Jósʼin sʼendani jngo tjíjtsa Sonʼnde Ndʼia jña chotʼayá.