ʼYáni xi kʼoatjíosʼín ndʼaibi josʼin mele Jeobá

Je testigole Jeobá tjío jngo tjíjtsa Sonʼnde kʼoa kjaʼaí kjaʼaí ntje̱ kitjenni kʼoa kjaʼaí kjaʼaísʼin koanjchá. Jméni xi tjíobinyakao nga jtín tjíoni ngatsʼi.

Jméni xi mele Niná xi tʼatsaan

Je Niná kui xi mele nga kataʼyale ngakjijnda Sonʼnde jme xi mele sʼin. Jméni xi mele sʼin Niná kʼoa ʼyáni xi tjíotsoyale chjota xi tʼatsʼe jebi.

ʼYá chjotanijin xi testigole Jeobá maijin

Jótjín testigole Jeobá ʼyaxkuin. A ʼyaní ʼyákjoánnijin xi testigole Jeobá maijin.

Ánni nga testigole Jeobá ʼmisíninajin

Kataʼyai nga jan koya anni nga testigole Jeobá sʼin tsakʼai jaʼaínsínilaijin relijiónnajin.

Jósʼin tsaʼya ijngokʼanile jokjoantjínni énle Niná

Jósʼin beni je testigole Jeobá nga ñaki nda kjimajinle je Biblia.

Ánni nga kui kichʼasjesínijin je Traducción del Nuevo Mundo

Jméni xi tsín mangóson Biblia jebi kao Biblia xi kjaʼaí.

Jmé kjoanda xi sʼe̱li tsa kʼuín je kjoajtín xi satíonajin

Kʼianga satíonajin kjoajtín kui Énle Niná chotʼayaijin kʼoa kʼoati ninʼiojinjin xíngijin. Nda chjoéyalaijin nga kuichui.

Jósʼin basenkaoná nga je nimiyoaa xi ngóson sʼin makjainná

Je Énle Niná kʼoatsole je chjotale Cristo nga katasímiyo xínkjín. Kataʼyai jméni xi tjínneli sʼiain nga kʼoati sʼe̱li kjoanda jebi.

Jméni xi chotʼayaijin nga biyojtínjin

A sakʼoa chjonangilai yaoli jméni xi ma nga satíonajin je kjoajtín. Kʼiatsa kʼuín kjoajtín jebi tokʼoajin koa̱nli jokji nda koa̱njinli Biblia.

Ánni nga nda soyosínijin kʼianga mangínjin kjoajtínnajin

A kui fini Niná josoyoaa. Kataʼyai josʼin bándiaanajin je kjoafaʼaitsjen xi faʼaitʼa Biblia josoyuijin kʼoa jokjoan najño xi chʼakjáijin.

Jósʼin koa̱n kuiyondakoaa jme xi faʼa ya kjoajtínná

Tsa tongini kuijnandakoai jme xi faʼa ya kjoajtín ngisa nʼio koasenkaoli.

Jósʼin chotʼayajtían énle Niná ya niʼyaná

Kataʼyai josʼin koasenkaono nga nda kuiyo ya yaniʼyano kʼoa kao ngixko̱n Niná kʼiatsa chótʼayajtíon.

Ánni nga kjoajtíntse batiosínijin

Nga xki̱ nó, jan kjoajtíntse satíonajin. Jméni xi sʼiain kʼianga nʼio koasenkaoli kjoajtíntse jebi.

Jósʼin tiʼmiyasuinjin je énnda chjotse

Kʼoasʼin tibakoyasuinjin josʼin kitsoyason Jesús nga tsakʼejna i̱ Sonʼnde. A meli jchai josʼin.

Jméni xi sʼín je xi precursor ʼmi

Tjínkʼa testigole Jeobá xi kante kʼoa tsa ñachante ora tsoyason nga xki̱ sá. Jméni xi tsjoánganʼiole nga kʼoasʼín.

Jñánile skuela xi satíole je precursor

Jósʼin nichjine je xi ñaki to xále Niná tjíosʼín nga tjíotsoyason xi tʼatsʼe je Chjotaxále Niná.

Jmé xá xi kjinele je xi chjotajchínga sʼin tjío

Je xi chjotajchínga sʼin tjío nda tjío ngixko̱n Niná kʼoa jé bándiaale je jtín. Jósʼin binyakaoná.

Jmé xá xi sʼín je xi siervo ministerial sʼin tjío

Nʼio chjíle je xá xi sʼín je siervo ministerial nga katamaxá chʼin chʼin nga jngó jngó jtín. Kataʼyai jokji chjíle je xá xi sʼín ya jinjtín.

Jósʼin binyakaoná je superintendente xi tsʼe circuito

Jmé xá bichósíxatʼani je jtín je xi superintendente ma. Jméni xi koa̱n sʼiain nga ngisasa tse kjoanda so̱koli kʼianga bichósíxatʼa je jtín je superintendente.

Jósʼin binyakoaijin xíngijin kʼianga kjoañʼai faʼatojin

Kʼianga jngo kjoaxkón sʼe, kjitʼanangi bʼendajinjin josʼin binyakoaijin je ndsʼaijin kʼoa josʼin bʼainganʼiolaijin kao Énle Niná. A ʼyaní josʼin.

ʼYáni “je choʼnda xi nʼiotʼakon, xi nda be xá” tsole Biblia

Je Jesús kʼoakitso nga jngo choʼnda skoéjin xi kuitsoya ntsjaintsjaile énle Niná je chjotale. Jósʼin tíbitjoson jebi.

Jmé xá xi tjínle je xi Cuerpo Gobernante ʼmi

Nichxin kjoatse, jngo jtín koanni je pastro kao chjotajchínga xi tsakándiaale je naxinandále Cristo. Kʼoa ndʼaibi, a kʼoati kjima.

Jméni xi Betel ʼmi

Tsínsa ʼnde xi mangósonkao Betel nga̱ nʼio chjíle jme xá xi ya kjima. Kataʼyasai tʼatsʼe xi ya tjíosíxá.

Jmé xá xi kjima ya sucursal xi tjíonajin

Toʼyani xi mele koaan koaikotsen jochon jngo sucursal. Tsa tsjoá ʼmichotsain jochon.

Jósʼin chji kʼoa jósʼin nikʼatoya je xo̱n xi énle Niná faʼaitʼa

Tsʼato ñato siento koya én tichʼasjaijin je xo̱n xi tinichjainjin. Ánni nga kʼoasikji nkjín én tinikʼatoyasínijin je xo̱n xi chʼasjaijin.

Jñá tínroani je tao̱n xi kjimachjén nga tíbitjoson xále Niná

Xi tʼatsʼe tao̱n, jméni xi tsín mangóson je testigole Jeobá kao je relijión xi kjaʼaí.

Jósʼin kʼoainganʼioá nga nda katasʼentsjai Ndʼia jña chotʼayá

Tsa tsje chon kʼoa ndasʼin matsen je Ndʼia jña chotʼayá jé Niná bitjongʼa. Jónikao je Ndʼia jña chotʼayá kʼianga tsje katasʼentsjai.

Jósʼin si̱chjén je biblioteca xi tíjna ya Ndʼia jña chotʼayá

A meli nga sʼe̱sali kjoafaʼaitsjen xi faʼaitʼa ya Biblia. Tʼinchótsain jochon ya biblioteca xi tíjna ya Ndʼia jña kotʼaya je testigole Jeobá.

Jmé xi faʼaitʼa ya jña ma bitjasʼeen Internet xi tsʼe Testigole Jeobá

Kataʼyasai xi tʼatsainjin kʼoa jme xi makjainnajin kʼoa kao jmeni xi chjonangi xi tʼatsʼe Biblia.

A kʼoasʼiain josʼin mele Jeobá

Je Niná Jeobá nʼio tsjoakeli. Jósʼin koakolai nga nyaon nyaon kʼianga kʼoati tsjoachai tsanda ji.