Ir al contenido

Ir al índice

 KJOAʼMIYA 2

Jngo ʼndenaxó xi naskánakoanchon

Jngo ʼndenaxó xi naskánakoanchon

¡CHÓTSENLALAI Sonʼnde! ¡Jmé naskánasʼin matsenni ngayeje! Chótsenlalai je jñá, je yá, je naxó, kʼoa kao cho̱. A tiʼyaní jñáni tjío je elefante kʼoa kao xa.

Jñá tsʼatsenni je ʼnde xonaskánachonbi. Kataʼyala jósʼin kisindachonná Sonʼnde je Niná.

Xi títjon kisʼin Niná, kuinga kisinda jñá xi sase kjoan xi tjín tʼanangi. Kʼoa kisinda jotjín koya naxó tjín kao jñá kʼoa kao yá. Ngayeje jebi ngisa naskánasíchon Sonʼnde. Tonga litsa tokuijin. Kʼoati tjín xi tsojmi bale kʼoa nʼio nda chine.

Xijekoan, Niná kisinda je jti̱ nga katabʼetsomajin nandá kʼoa kao je nise nga katafitjen ya ngʼá. Kisinda nía, chito, kao naxín; kisinda cho̱ xi yʼai kjoan kʼoa kao xi ʼndí kjoan. A tjín cho̱ ya chrian ndʼiali. ¡Nʼio nda chjota Niná nga kisindaná ngayeje jebi!

Xi jetʼani, Niná toxá kiskoejin choani nangi jña naskánakisichon. ʼNdenaxóle Edén kitsole. Nʼio nda koanchon. Ngayeje xi kisʼe ya naskánasʼin koantsen. Kʼoa je Niná kʼoasʼin koanmele nga kʼoanaskánakoa̱nchon ngayeje Sonʼnde jokoanchon ʼndenaxó xi kisinda.

Chótsenla ijngokʼalai sén xi nroatʼa ibi. A ʼyaní jméni xi tsabe Niná xi tsín i̱ ʼndenaxó jebi. Chótsenlalee.