Ir al contenido

Ir al índice

 KJOAʼMIYA 104

Je Jesús ki ijngokʼani ya ngʼajmi

Je Jesús ki ijngokʼani ya ngʼajmi

NGA je ki nichxin, nkjín kʼa tsakakóle yaole Jesús je chjota tjenngile. Ñandia, kʼianga aonla siento mani chjota tjenngile xi tsabe. Kʼianga tsakakóle yaole, a ʼyaní jméni xi tsakjákaoni. Kui jmeni xi sʼin nga koatexoma Rey xi kiskoejin Niná. Kui xá kisikasénni Jeobá je Jesús i̱ Sonʼnde nga kui koakóya tʼatsʼe jebi. Kʼoa tojo kʼoakisʼin saʼnda nga je jaʼáyajinnile kʼien.

A faʼaitsjenli nga jenása tsaʼya xi tʼatsʼe jebi. Jé Niná kiskoejin Jesús nga rey koa̱n kʼoa ya tjen ngʼajmi koatexomani. ¡Tojosʼin jesa tsaʼya, Jesús tsakakó nga tse kjoanda tsjoá nga je rey koa̱n, nga kisikjen xi kjinrále, kisindaya xi tjíomʼe kʼoa saʼnda kisikjaʼáyale kʼien!

Kʼianga jngo jmi nó koatexoma Jesús ya ngʼajmi, jméni xi koa̱n i̱ Sonʼnde. Jaon, ngayeje Sonʼnde naskánakoa̱nchon, sonʼndenaxó koa̱n. Likui tisʼeni kjoajchán, likui tisʼeni kjoatsʼen, likui tisʼeni chʼin, kʼoa saʼnda likui tisʼeni kjoabiya. ʼYañá nga kʼoakoa̱nchon nga kui xá tsakʼéndani Sonʼnde je Niná nga sonʼndenaxó koa̱n kʼoa nga chjota koatio. Kui xá tsakʼéndani ʼndenaxóle Edén. Je Jesús kʼoasʼin nga kʼoakatama jokjoansʼin mele Niná.

Kichoka nichxin nga ki ijngokʼani ya ngʼajmi je Jesús. Ñachan nichxin tsakakóle yaole je chjota tjenngile kʼoa tsabe nga tíjnakon. Tonga nga kjesa fijin títjon kjoanla i̱ kitsole chjota tjenngile: “I̱ Jerusalén tiyo saʼnda nga kʼoaino je espíritu santo”. Kui nganʼiotsjele Niná xoʼmi, mangóson joni tsa ntjao̱ kʼoa kui xi koasenkao je chjota tjenngile nga kʼoasʼin josʼin mele Niná. Xi tojetʼani, Jesús kitsole: “Kʼuinyasonño xi tʼatsʼan ngakjijnda Sonʼnde”.

Kʼianga je kʼoakitsole, tokʼoamaná jme xi koan. Toxijña kimingʼa Jesús, josísʼin matsen ibi. Xijekoan, jngo yojbi kichaʼmajin, kʼoa je chjota tjenngile likuiti tsabeni. Jesús ya ki ngʼajmi, kʼoa kʼia saʼnda tjen tíbatéxomanile je chjota tjenngile xi tjío i̱ Sonʼnde.