Ir al contenido

Ir al índice

 JONʼIA XI CHJOTALE CRISTO MAA

Tse kjoanda tjínná nga bʼendaa kʼoa nga nisinlee ndʼia jña biyojtián

Tse kjoanda tjínná nga bʼendaa kʼoa nga nisinlee ndʼia jña biyojtián

Je chjota israelita ñaki kao kjoatsjoa kitsjoanganʼio nga kisʼenda je yo̱ngo̱le Niná ya Israel ningalani nʼio tse kjoama̱ kisʼengi kʼoa nʼio tse tao̱n koanchjén (1Cr 29:2-9; 2Cr 6:7, 8). Tonga josʼin kisisinle yo̱ngo̱ jebi nga koanskanni kao kui tsaʼyanile tsa ndatjío ngixko̱n Niná kʼoa tsa tsín tindatjíoni (2Re 22:3-6; 2Cr 28:24; 29:3). Nichxin xi tiyoaa ndʼaibi, xi chjotale Cristo maa kʼoati bʼainganʼioá kʼoa tse nichxin nikʼayalee nga bʼendaa, nitsjee kʼoa nisinlee je Ndʼia jña chotʼayá kao je Ndʼia jña satío kjoajtíntse. Nga kʼoanʼia ngayeje jebi jé Niná tiʼyaxkoán. A tsí nʼio tse kjoanda tjínná nga kʼoasʼin nixálee je Jeobá (Sl 127:1; Ap 7:15).

JÓSʼIN KʼOAINGANʼIOÁ

  • Tjínnele nga koatio chʼin chʼiaan ngayeje kʼianga jefetʼa je kjoajtín. Koaan kʼoéxkoá tsa tjé katsao ya jñani kabiyoaa kʼoa kuinyandaa je yáxile.

  • Nʼio machjén nga kʼoainganʼioá josʼin tjínndajin nga matsje kʼoa nga masinle je Ndʼia jña chotʼayá. Kʼianga nkjín mani xi tsjoánganʼio ñaki tsjoa satíoná kʼoa ngisa ngotjo fitʼani je xá (lv p. 92, 93 párr. 18).

  • Kʼoee jotjín nroajin ni̱ma̱ná. Je Jeobá nʼio bechjí jmeni xi bʼé ninga to jao “ʼndí ki̱cha̱sine [...] xi tochoa chjíle” kʼoee (Mr 12:41-44).

  • Tsa kʼoakoa̱nná, koaan kʼoainganʼioá kʼianga sʼenda kʼoa nga sʼendayanda je ndʼia xi nichjén nga ʼyaxkoán Jeobá. Koaan kʼoainganʼioá ni maná kʼoa ni tsín maná je xá chjinexjáo.