Ir al contenido

Ir al índice

 JONʼIA XI CHJOTALE CRISTO MAA

Jósʼiaan nga ndasa kʼuínyasoán: Kui kuinókjoakaoñá je chjota jmeni xi mandosinle

Jósʼiaan nga ndasa kʼuínyasoán: Kui kuinókjoakaoñá je chjota jmeni xi mandosinle

ÁNNI NGA NʼIO CHJÍSÍNILE: Je xi ya tjínle kjoachoya ya ngʼajmi kʼoa kao xi koatio i̱ Sonʼnde kʼoatsole ngatsʼi je chjota nga tokjoatjao “kataʼbi nandá xi tsjoá kjoabijnachon” (Ap 22:17). Nandá jebi, kui tsoyanile ngayeje jmeni xi tísʼín je Jeobá tojoni nga ndái kuiyolee je jée kao kjoabiya. Kʼianga koa̱n kuisenkoaa je chjota xi kjaʼaí costumbre tjínle kʼoa xi kjaʼaísʼin makjainle machjén nga kʼoasʼin kʼuínyalee je Énle Niná josʼin nga koa̱nndosinle (Ap 14:6).

JÓKOA̱N SʼIAAN:

  • Tikjaʼaitsjain jmeni xi sí kʼoa jngo texto xi tsʼe Biblia chjoéjin xi kuichokajin ni̱ma̱le je chjota ya ʼnde jñani ʼmiyasuin. Koaan kui chjoéjin jmeni xi sí ya jñani jókoa̱n kuixoán nga chja̱kaonajmiá chjota tso, kʼoa tsa maije̱ kʼoasʼin chja̱kaonajmí je chjota josʼin nga nda nrʼoéli. Tikjaʼaitsjain jmé xi koa̱n sí kʼoa jmé texto si̱chjain. Jméni xi nʼio tjíofáoyani je chjota. Jméni xi mandosinle je xi xʼin kʼoa kao je xi yánchjín.

  • Kʼianga chja̱kaonajmí je chjota kuenta tʼiain josʼin ngale kʼoa josʼin sítiʼnda ya ʼnde jñani tijnani (2Co 6:3, 4).

  • Kataʼyai je xo̱n kao video xi nichjén nga ʼmiyaa ánni kui si̱chjénni nga chja̱kaonajmí je chjota xi mandosinle je Énle Niná.

  • Chʼa̱jain je xo̱n xi kui én faʼaitʼa je én xi nchja̱ je chjota ya ʼnde jñani ʼmiyasuin.

  • Kui chja̱kaonajmíni jmeni xi koa̱nndosinle (1Co 9:19-23). Tobʼelañá, jméni xi kʼuínlai je chjota kʼiatsa xínkjín kamʼe.

KʼIANGA JECHÓTSENLAI JE VIDEO, CHÓTʼAYAJIN KJOACHJONANGI JEBI:

  • Nga títjon jmé xi kafákaoni je ndsʼee je chjota.

  • Jméni xi tísíkjáojin je chjota.

  • Jmé texto xi kabʼéxkiale tsakai, kʼoa ánni.

  • Jósʼin chjakaonajmí je chjota nga mandosinle je Énle Niná ya ʼnde jñani ʼmiyasuin.