Ir al contenido

Jósʼin bakoyalaijin Énle Niná je chjota

Jósʼin bakoyalaijin Énle Niná je chjota

Kʼianga bakoyalaijin Biblia je chjota nkjín koya xi majinle, jolani jebi:

  • ʼYáni je Niná

  • A mandosinle Niná xi tʼatsaan

  • Jméni xi sʼian nga nʼio katasʼejna kjoabixanna

  • Jósʼin nga tsjoa sʼe̱ tokoan

Kataʼyala jmeni xi ngisa kjonangi je chjota tʼatsʼe josʼin bakoyaijin Biblia.

Jósʼin bakoyao. Jngó jngó koya chotʼayá jmeni xi nchja̱ni je Biblia. Tobʼelañá, tsakuilani tichotʼayá tʼatsʼe Niná, kʼoa tsa tʼatsʼe kjoabixan, kui chotʼayajiaan je textole Biblia xi kui tínchja̱ni. Kʼoa kʼianga kʼoasʼin sakóyale je chjota majinle jmekjoanni xi bakóya ngakjijngo je Biblia tʼatsʼe jmeni xi tísakóyale.

Kʼoa kui nichjainjin je libro Jmé kjoanni xi bakóya je Biblia, nga̱ nʼio ndasʼin basenkaoná nga chotʼayá. Sasa majinniná jmekjoanni xi tso je Biblia tʼatsʼe Niná, tʼatsʼe Jesús, tʼatsʼe nichxin xi nroaján kao xi kjaʼaísanile.

Jótjín bʼechjiá nga chotʼayá. Alikui nikʼéchjíjin je chjota kʼoa alikui batenalaijin je xo̱n xi bʼailaijin nga ʼmiyalaijin.

Jókjitse chotʼayá nga jngó jngó kʼa. Nʼio nkjín chjota xi jngo ora kotʼaya nga jngo xomana. Tonga koaan tsa choasa kʼoa tsa tsesa chótʼayai. Ji xi síni jokjitse meli nga sa̱kóyali.

Jókoa̱n kʼiatsa sijé nga kataʼmiyana je Biblia. Jngo testigole Jeobá kuichokonli kʼiani kʼoa jñani nga ngisa skénndiaali. Kui títjon kuitsoyali josʼin bakoyaijin je Biblia. Tsa meli nga tosi tonda chótʼayai, kao kjoatsjoa kuicho ijngokʼa nga kuitsoyali.

Tsa skotʼayalaña, a tjínnele nga testigole Jeobá koa̱n. Mai. Kʼianga ʼmiyalaijin Biblia je chjota kao kjoatsjoa kʼoanʼianijin, kʼoa alikui bʼenelaijin nga testigole Jeobá katama. Kao kjoaxkóntokon ʼmiyalaijin jotso je Biblia, kʼoa ʼyaníjin nga tiʼndená nga jngó jngoá nga chjoéjiaan josʼin koa̱nkjainná (1 Pedro 3:15).