Ir al contenido

Jon xi testigole Jeobá mao a bʼaiño diezmo

Jon xi testigole Jeobá mao a bʼaiño diezmo

Mai, jin xi testigole Jeobá maijin alikui tsa diezmo bʼaijin. Je tao̱n xi machjén nga tíbitjoson je xále Niná kuiní je tao̱n xi batío chjota xi ni̱ma̱le nroajinni jotjín tsjoá. Tonga, jñá jaʼaini nga diezmo tsjoáni chjota, kʼoa ánni nga tsín kʼoasʼínni je xi testigole Jeobá ma.

Je kjoatéxoma xi tsakʼaile je naxinandá Israel nichxin kjoatse kʼoasʼin kisʼenele nga katatsjoále je naʼmi je diezmo, xi tsonile, jngoya xi te ya mani tsojmi xi tjínle. Tonga je Biblia kʼoatsokixi nga je chjotale Cristo, likui titjínnenile nga kui kjoatéxoma jebi sitjoson. Kʼoa kuinga nichxin xi tiyoaa ndʼaibi alikui tisʼenenile nga diezmo tsjoá (Hebreos 7:​5, 18; Colosenses 2:​13, 14).

Kuinga je testigole Jeobá ʼndele nga diezmo tsjoá kʼoa nga kjoanʼio sʼe̱nele nga jme xi tsjoátʼale Niná, tosa kui choa̱le je chjotale Cristo xi títjon tsakatio fitjenngi. Jao koya josʼin kitsjoanganʼio je chjotale Cristo nichxin kjoatse. Xi títjon, kitsjoanganʼio jotjín kinroajin ni̱ma̱le. Xi majaoni, kitsoyason kʼoa tokjoatjao kitsoyale chjota je énle Niná.

Kʼianga kʼoakisʼin kui kitjenngi jotso je Énle Niná, jñani tso: “Nga jngójngó katatsjoá josʼin kosonnile ni̱ma̱le, ali kao kjoabajin, nikao kjoanʼiojin, nga̱ Niná tsjoake je xi kao kjoatsjoa tsjoá” (2 Corintios 9:7).