• Bʼaʼn tuʼn tkubʼ ttzʼibʼina jatumel najliya. Qa nya taja tuʼn tkubʼ ttzʼibʼina jatumel najliya, jaku txi tqanina kye ansyan qa jaku kubʼ ttzʼibʼina jatumel taʼ Ja te Chmabʼil. Noqtzun tuʼnj, MIʼN kubʼ ttzʼibʼina dirección te ninja qʼil twitz aqʼuntl tuʼn kyxi yolin xjal toj.

  • Qa ojtzqiʼn tbʼi xjal tuʼna, jaku kux ttzʼibʼina. Tuʼn jlu kbʼel tyekʼina qa te xjal xkubʼ ttzʼibʼina carta.

  • Ximana tiʼj tzeʼn in kubʼ tzʼibʼit junjun yol, junjun txol yol ex jatumel in che kubʼ qʼet qe signo de puntuación. Tzʼok tilil tuʼna tuʼn tbʼaj tbʼinchaʼna toj ttxolil ex miʼn bʼaj ttzʼilsaʼna uʼj. Qa tuʼn tqʼabʼa kbʼel ttzʼibʼina, tzʼok tilil tuʼna tuʼn tel nikʼbʼaj tiʼj letra kbʼel tqʼoʼna. Nya il tiʼj tuʼn tbʼaj tbʼinchaʼna ik tzeʼnx in bʼant jun carta, pero nya a t-xilen jlu qa noq tzeʼnxku tten kbʼajel tbʼinchaʼna.

Toj carta ma kubʼ qʼoʼn te techel, jaku tzʼok qkeʼyin tkyaqilju tumel ma tzaj qʼamaʼn tzeʼn tuʼn tbʼant. Miʼn tzʼel tcopiarina tkyaqil yol tkuʼx toj uʼj lu aj t-xi ttzʼibʼina carta te jun xjal jatumel in pakbʼana. Ximana tiʼjju in bʼaj kyiʼj xjal aj tkubʼ ttzʼibʼina, tiʼjju in bʼant kyuʼn ex tiʼjju taja tuʼn t-xi t-xnaqʼtzaʼna kye.