Xi samaʼn Jeremías tuʼn t-xi tqʼamaʼn kye aj Judiy qa oktoq che kbʼel najsaʼn tuʼnju otoq tzikʼ tnaʼl Jehová kyuʼn (Jer 13:25). ¿Alkye tten xi naj kyamiwbʼil xjal tukʼil Jehová? Tuʼnju mintiʼ ok kyxqʼuqin kyibʼ ja xjal. In nel qnikʼ tiʼj qa mintiʼtoq in xi kybʼiʼn mambʼaj aju kawbʼil tzaj tqʼoʼn Dios kye aju tkuʼx toj Deuteronomio 6:5-7.

Toj ambʼil jaʼlo, qa kyuw ateʼ qe ja xjal toj kyokslabʼil, in che onin tuʼn tten kʼloj okslal kyuw. Jaku che onin qe mambʼaj kyiʼj qe toj kyja tuʼn miʼn tikʼ tnaʼl Jehová kyuʼn ik tzeʼn qa kukx ma kubʼ kyikʼsaʼn ambʼil in xi kyqʼoʼn te Jehová (Sl 22:27). Otoqxi tzʼok kyqʼoʼn kywitze tiʼj video Kyawankuxe qe yol lu toj kyanmiye: Qe xjel in xi qanit kye ja xjal, tzaqʼwentza qe xjel lu:

  • ¿Alkye tten o che ex junjun ja xjal kywitz nya bʼaʼn in che ok weʼ twitz aj tkubʼ kyikʼsaʼn ambʼil in xi kyqʼoʼn te Jehová kyukʼil toj kyja?

  • ¿Tiʼ tbʼanel o tzaj kye tuʼnju kukx in kubʼ kyikʼsaʼn ambʼil in xi kyqʼoʼn te Jehová kyukʼil toj kyja?

  • ¿Alkye junjun nya bʼaʼn in chin ok weʼye twitz tuʼn nkʼulune te Jehová kyukʼil toj njaye, ex tiʼ kbʼantel wuʼne tuʼn wexe twitz?