TUʼN TCHʼIXPET TILBʼILAL

¿TIQUʼN NIM TOKLEN?: Maske at junjun yekʼbʼil tiʼj alkye tten tuʼn kykyaj qʼet qe uʼj aju tkuʼx toj Uʼj te aqʼuntl, aʼye jlu noq jun techel qe. Jaku txi tqʼamaʼna toj tex tyola. Qajlo taja tuʼn tyolina te junxitl tten moqa tuʼn tyolina tiʼj junxitl xnaqʼtzbʼil aju tajbʼil xjal tuʼn tel tnikʼ tiʼj jatumel in pakbʼana. Tuʼn tbʼant jlu, tnejel bʼaʼn tuʼn tkubʼ tuʼjina uʼj, xnaqʼtzankuye qe yekʼbʼil ateʼkuʼx toj uʼj, ex bʼaʼn tuʼn tok tqʼoʼn twitza kyiʼj video kyiʼj yekʼbʼil; yajxitl bʼinchanku tyekʼbʼila, bʼaʼn tuʼn tok lepeʼye tiʼj junjun onbʼil in tzaj qʼoʼn.

¿ALKYE TTEN JAKU BʼANT?

¿Kʼajbʼel jun yekʼbʼil tuʼna aju tkubʼ te techel?

OK

  • Tnejel tzʼibʼinkuya alkyeqe yol che ajbʼel tuʼna aj t-xi tqʼolbʼena xjal ex toj chʼin yol qʼamanxa tiquʼn ma pona tja. (Jun techel: «Ma chin ule tuʼnju...»).

  • Ximana tiʼ kxel tqʼamaʼna tuʼn t-xi tuʼjina taqikʼ Tyol Dios otoqxi txi tqanina xjel, ex alkye tten kyjel tqʼoʼna uʼj otoqxi bʼaj tuʼjina taqikʼ Tyol Dios. (Jun techel, aj t-xi tuʼjina jun taqikʼ Tyol Dios jaku txi tqʼamaʼna jlu: «Bʼintza tiʼ in tzaj tqʼamaʼn Tyol Dios»).

MIʼN

  • Jyoʼnktza jun xnaqʼtzbʼil toj uʼj aju taja tuʼn tyolina tiʼj ex aju kyaj xjal tuʼn tel kynikʼ tiʼj toj tembʼil jatumel in pakbʼana.

  • Ximana tiʼj jun xjel aju jaku yolin xjal tukʼila tiʼj, noqtzun tuʼnj, ximana tuʼn tkubʼ tnaʼn xjal bʼaʼn. (Jun techel: jaku tzʼajbʼen xjel tuʼna aju tkuʼx toj t-xaq 2 toj uʼj).

  • Jyoʼnktza jun taqikʼ Tyol Dios ex uʼjinxa. (Ik tzeʼn tiʼj uʼj ¡Despertad!, nyaxix il tiʼj tuʼn tjaw uʼjit taqikʼ Tyol Dios, tuʼnju bʼinchaʼn uʼj lu kye xjal aʼyeju mintiʼxix kyojtzqibʼil tiʼj Tyol Dios, moqa mintiʼ in nok qʼuqe kykʼuʼj tiʼj okslabʼil).

  • Tzʼibʼinkuya jun moqa kabʼe txol yol tuʼn t-xi tqʼamaʼna te xjal alkye tten jaku tzʼonin tiʼj qa ma kubʼ tuʼjin xnaqʼtzbʼil toj uʼj.

QA MA TZAJ JUNTL TIʼ

  • Tzʼibʼinkuya jun xjel tuʼn t-xi ttzaqʼweʼna aj tmeltzʼaja juntl maj.

  • Tzʼibʼinkuya junjun yol taja tuʼn t-xi tqʼamaʼna aj tmeltzʼaja juntl maj.