«Miʼn tzaj txʼaʼl tkʼuʼja kyiʼj qe bʼinchal mya bʼaʼn»

37:1, 2

  • Miʼn txi tqʼoʼna ambʼil tuʼn miʼn tajbʼena te Jehová noq tuʼnju in nok tqʼoʼn twitza qa tbʼanel in nel aju in bʼant kyuʼn nya bʼaʼn xjal. Qʼonk twiʼya tiʼjju o bʼaj t-ximana tuʼn tbʼant tuʼna ex kyiʼj kʼiwlabʼil che ul tuʼn.

«Qeʼk tkʼuʼja tiʼj Qman ex bʼinchama ju bʼaʼn»

37:3

  • Qeʼk tkʼuʼja qa kʼokel xqʼuqina tuʼn Jehová ik tzeʼn qa in jawje tkʼuʼja moqa in bʼisuna. Ok kʼonil tiʼja tuʼn kukx tajbʼena te.

  • Paʼmila ambʼil tuʼn tpakbʼana tiʼj tbʼanel tqanil tiʼj Tkawbʼil Dios.

«Tzalajxa tiʼj Qman»

37:4

  • Paʼmila ambʼil tuʼn tuʼjina tiʼj Tyol Dios ex tuʼn t-ximana tiʼj tuʼntzun tokxix tojtzqiʼna Jehová.

«Oqxenanx tibʼa tuj tqʼabʼ Qman»

37:5, 6

  • Tenx qʼuqbʼil tkʼuʼja qa ok kʼonil Jehová tiʼja tuʼn texa twitz alkyexku nya bʼaʼn.

  • Tenx tbʼanel tmoda aj tok weʼya twitz nya bʼaʼn, ik tzeʼn ikʼbʼil ex aj kyyolin txqantl nya bʼaʼn tiʼja.

«Txulekuya twitz Qman ex noq ayona tiʼj ok tul onil teya»

37:7-9

  • Miʼn tzaj tqʼoja, quʼn tuʼn jlu mlay tzalaja ex jaku naj tamiwbʼila tuʼn tukʼil Jehová.

«Qe xjal mans che okel etzal teju txʼotxʼ»

37:10, 11

  • Qʼonka tilil tuʼn toka te jun xjal mans, ex qeʼk tkʼuʼja tiʼj qa jaku kolin Jehová aj ttzaj alkyexku nya bʼaʼn tiʼja.

  • Tzʼonina kyiʼj erman ex qʼuqbʼanxa kykʼuʼj qeju in che bʼisun, aj tyolina kyukʼil tiʼj tbʼanel najbʼil o tzaj ttziyen Dios aju nqa taʼ.

Tzul tiʼn Tkawbʼil Mesías nimxix kʼiwlabʼil toj ambʼil tzul.