Tkyaqilju at in tzaj kyyekʼun qa tbʼanelxix aju Bʼinchal tkyaqil (Sl 19:1-4; 139:14). Noqtzun tuʼnj, aʼyeju xjal ateʼ tjaqʼ tkawbʼil Satanás in xi kyxnaqʼtzaʼn nim xnaqʼtzbʼil tiʼjju jatumel tzaj tzyet anqʼibʼil, aju mintiʼ in jaw nimsaʼn Dios tuʼn (Ro 1:18-25). ¿Tiʼ jaku bʼant tuʼna tuʼntzun miʼn tok qeʼ kykʼuʼj tkʼwaʼla kyiʼj xnaqʼtzbʼil lu? Bʼaʼn tuʼn tonina kyiʼj tzeʼn tzma tal kʼwaʼl qex tuʼn tok qeʼ kykʼuʼj qa at Jehová ex qa kʼujlaʼn qe tuʼn (2Co 10:4, 5; Ef 6:16). Bʼaʼn tuʼn tel tnikʼa tiʼj tiʼ kyximbʼetz at tiʼjju in tzaj xnaqʼtzaʼn kye toj tja xnaqʼtzbʼil. Bʼaʼn tuʼn kyajbʼen tuʼna aʼyeju nim onbʼil at tuʼn tpon xnaqʼtzbʼil toj kyanmi (Pr 20:5; Snt 1:19).

AJ TKUBʼ BʼAJ VIDEO AJU IN TZAJ KYQʼAMAʼN JUNJUNTL KUʼXUN: AJU TUʼN TOK QEʼ QKʼUʼJ QA AT DIOS, QANINXA QE XJEL LU:

  • ¿Tiʼ in tzaj kyqʼamaʼn xjal tiʼjju tuʼn tok qeʼ qkʼuʼj qa at Dios?

  • ¿Tiʼ in tzaj xnaqʼtzaʼn toj tja xnaqʼtzbʼil jatumel in xiʼya?

  • ¿Tiquʼn in nok qeʼ tkʼuʼja qa at Jehová?

  • ¿Tzeʼn jaku tzʼonina tiʼj jun xjal tuʼn tok qeʼ tkʼuʼj qa a Dios kubʼ bʼinchante tkyaqil?