Aju tbʼanel tmod Isaías kubʼ tyekʼun, bʼaʼn tuʼn tel qkanoʼn. Kubʼ tyekʼun qa attoq qʼuqbʼil tkʼuʼj ex jun rat naj xiʼ jatumel atx taj onbʼil maske mintiʼ tojtzqibʼil tiʼj tkyaqil qe tiʼchaq (Isa 6:8). ¿Jakupe bʼant junjun chʼixpubʼil tuʼna kyukʼil toj tjaya tuʼntzun kyajbʼene toj juntl lugar jatumel kyaj erman onbʼil tuʼn t-xi pakbʼet Tkawbʼil Dios? (Sl 110:3). Ax tok, naʼmxtoq qxiʼ ajbʼel, il tiʼj tuʼn qkubʼ tenxix ximel tiʼj (Lu 14:27, 28). Noqtzun tuʼnj, il tiʼj tuʼn tbʼant junjun chʼixpubʼil quʼn tuʼntzun qpakbʼan tiʼj tbʼanel tqanil (Mt 8:20; Mr 10:28-30). Ik tzeʼn in tzaj tyekʼun video O xiʼye anqʼil toj juntl lugar tuʼn qonine, aqeju kʼiwlabʼil in tzaj qkʼamoʼn aj qajbʼen te Jehová, mas nim qe kywitz junjun chʼixpubʼil in bʼant quʼn.

OTOQXI TZʼOK KYQʼOʼNE KYWITZE TIʼJ VIDEO, KYTZAQʼWENXA QE XJEL LU:

  • ¿Alkye junjun chʼixpubʼil bʼant kyuʼn ja xjal Williams tuʼntzun kyxiʼ ajbʼel toj tnam Ecuador?

  • ¿Tiʼ e kubʼ ten ximel tiʼj tej tkubʼ kyximen jatumel tuʼn kyxiʼ ajbʼel?

  • ¿Alkyeqe kʼiwlabʼil tzaj kykʼamoʼn?

  • ¿Jatumel jaku kanet tqanil quʼn tiʼjju jatumel kyaj erman mas onbʼil?

AJ TKUBʼ KYIKʼSAʼNE JUNTL MAJ AMBʼIL IN XI KYQʼOʼNE TE JEHOVÁ KYUKʼIL TOJ KYJAYE, CHE XIMANE KYIʼJ XJEL LU:

  • ¿Tiʼ jaku bʼant quʼn kyukʼil toj qja tuʼntzun qpakbʼan mas ambʼil? (km 8/11 t-xaq 4 a 6).

  • Qa mlay qoʼx ajbʼel toj juntl lugar, ¿alkye tten jaku qo onin kyxol erman jatumel in nok qchmon qibʼ? (w16.03 t-xaq 3 a 5).