TUʼN TCHʼIXPET TILBʼILAL

(Miqueas 6:8)

  1. 1. Qajbʼil tuʼn tok qtzyuʼn tqʼabʼ Qman Dios

    ex tuʼn qbʼet junx tukʼil junjun qʼij.

    Ktzajel tyekʼin qʼaqʼbʼil tkʼuʼj qiʼj

    ex tkʼujlabʼil qa ma qo jyon tiʼj.

    Tuʼntzun aju ma kubʼ qximen

    tuʼn t-xi qtziyen te Jehová

    tuʼn qajbʼen te tuʼn tkyaqil qkʼuʼj

    ex tuʼn qnimen te te jumajx.

  2. 2. Nim in qʼojin Tajaw il qiʼj,

    tuʼnju chʼix tpon qʼij tuʼn tkubʼ najsaʼn.

    Nimxix joybʼil in kubʼ tqʼoʼn qwitz

    tuʼnju taj tuʼn tkyaj qkolin Jehová.

    Noqtzun tuʼnj in xqʼuqin Dios qiʼj,

    mlay qo tzaj xobʼ te jun tiʼ.

    Qajbʼil tuʼn kukx tok qkʼujlaʼn Dios

    ex tuʼn qajbʼen te junjun qʼij.

  3. 3. In tzaj tqʼoʼn Dios tbʼanel oyaj,

    ik tzeʼn aju Tyol ex xewbʼaj xjan.

    Aj qnaʼn Dios te in qo tzaj tbʼiʼn

    ex in tzaj tqʼuqbʼaʼn qkʼuʼj kyuʼn erman.

    Qa ma qo bʼet tukʼil Qman Dios,

    kʼonil qiʼj tuʼn qbʼet toj bʼaʼn,

    tuʼn qten tzʼaqli twitz tkyaqil qʼij

    ex tuʼn qbʼet ik tzeʼn jun xjal mans.

(Ax ikx jyonkuxa Gén. 5:24; 6:9; 1 Rey. 2:3, 4).