TUʼN TCHʼIXPET TILBʼILAL

(Salmo 23)

  1. 1. A Qman Jehová tbʼanel Xqʼuqil,

    chin okel lepeʼye tiʼj.

    In nok tqʼoʼn twitz kyiʼj qe nxime at,

    in tzaj tyekʼin nbʼeye bʼaʼn.

    Kyoj qe chaʼx kʼul in chinx tiʼna,

    in tzaj qʼuqbʼaʼn nkʼuʼje kyuʼn.

    Chin xel tiʼna toj tqʼabʼa junjun qʼij.

    Nim teya tkʼujlabʼil Qman.

    Chin tiʼnxa toj tqʼabʼa junjun qʼij.

    Nim teya tkʼujlabʼil Qman.

  2. 2. Noq tuʼnju maʼ toklen tbʼiya,

    kukx xqʼuqina wiʼje Qman.

    In chewix wanmiye tuʼn Xjan Uʼj

    ex kyuʼn tbʼanel tbʼeya xjan.

    Qa ma chin bʼete toj qxopin,

    mlay chin xobʼe te jun tiʼ

    tuʼnju aya in xqʼuqin wiʼje Tat.

    A teya Wamiwe at.

    Quʼn aya in xqʼuqin wiʼje Tat.

    A teya Wamiwe at.

  3.  3. Ate Jehová tbʼanel Xqʼuqil,

    in kolin kyiʼj qe t-ẍneʼl at.

    Tkyaqilju at tajbʼen weye Tat

    in tzaj tqʼoʼna junjun qʼij.

    Atz tiʼja in nok qeʼ nkʼuʼje

    quʼn aya Dios axix tok.

    Tuʼnju nimxix teya tkʼujlabʼil Qman,

    chin tele toj tjaya xjan.

    Quʼn nimxix teya tkʼujlabʼil Qman,

    chin tele toj tjaya xjan.

(Ax ikx jyonkuxa Sal. 28:9; 80:1).