Langsung ke konten

Langsung ke menu sekunder

Saksè-Saksè Yèhuwa

Madura

Bâ’bisaah Kasossa’an Tadâ’ Polè?

Bâ’bisaah Kasossa’an Tadâ’ Polè?

Apah jâwâbhân bâ’ân?

  • Yâ.

  • Enjâ’.

  • Ta’ tao.

 APAH SÈ KÈTAB SOCCÈ KOCA’AGHI

”Gustè Allah . . . bâkal ngosaba aèng matana rèng-orèng jareya, bâkal taḍâ’â patè polè, kasossa’an, tangèsan, otabâ sakè’ ta’ kèra bâḍâ polè.”—Wahyu 21:3, 4, Alkètab è Dhalem Basa Madura.

MANFAADḌA GHÂBÂY BÂ’ÂN

Tao jhâ’ bânni Gustè Allah sè nyebabaghi kasossa’an.—Yakobus 1:13.

Sennâng polana tao jhâ’ Allah ngartè parasaânna bâ’ân.—Zakharia 2:8.

Anḍi’ arabbân jhâ’ kabbhi kasossa’an bâkal taḍâ’ polè.—Jabur 37:9-11.

 APAH SÈ KOCA’AGHI KÈTAB SOCCÈ BISÂ È PARCAJÂ?

Yâ. Sekonè’ân bâḍâ duwâ’ alasân:

  • Gustè Allah bâjhi’ dâ’ kasossa’an bân parkara sè ta’ adil. Pèkkèrè parasaâna Gustè Allah èbâkto jhâman lambâ’ omaddâ è sèksa kalabân bengis. Kètab soccè ngoca’ jhâ’ Gustè Allah nèser mon ngatèla ommadḍâ jarèya teppa’na è kanèyaja bân è sèksa.—Kim-Hakim 2:18.

    Gustè Allah cè’ bâjhi’ân ka orèng sè jahat. Contonna, bâḍâ è dâlâm Kètab Soccè ”tanang sè matè’è orèng sè ta’ sala” Gustè Allah cè’ bâjhi’ân.—Bangsalan 6:16, 17.

  • Gustè Allah parḍuli ka bâng-sèbâng orèng. Allah Yèhuwa ngonjhâng bâ’ân ghâbbây pasra’aghi khabbhi kakobatèrana bâ’ân, sabâb Allah ngoladhi ka sampèyan.—1 Petrus 5:7.

    Karajaanna Allah Yèhuwa, bâkal dhuliyâ maèlang kasossa’an manossa. (Matiyus 6:9, 10) Tapè satèya, Gustè Allah abèrri’ kakowaddân ka rèng-orèng sè mènta bimbingânna.—Caretanna Para Rasul 17:27; 2 Korintus 1:3, 4.

 GHÂBÂY È PÈKKÈR GHU-ONGGHU

Arapah Gustè Allah ngèḍinè kasossa’an?

Jâwâbhâna bâḍâ è Kètab Soccè è ROMA 5:12 bân 2 PETRUS 3:9.