Langsung ke konten

Langsung ke menu sekunder

Saksè-Saksè Yèhuwa

Madura

Dâ’remmah carana kalowarga oḍi’ sè tarentem?

Dâ’remmah carana kalowarga oḍi’ sè tarentem?

Manorot bâ’ân, kalabân apah . . .

  • tarèsna?

  • pèssè?

  • sè laènna?

 APAH SÈ KÈTAB SOCCÈ KOCA’AGHI

”Apojhurân orèng sè ngèḍingaghi dhâbuna Gustè Allah sârta ajhâlânaghi dhâbu jarèya!”—Lukas 11:28, Alketab è Dhalem Basa Madura.

MANFAADḌA GHÂBÂY BÂ’ÂN

Anḍi’ lakèh sè pèla’.—Efesus 5:28, 29.

Anḍi’ binèh sè ngormaddi lakèh.Efesus 5:33.

Salèng parcajâ ḍâlâm kalowarga.—Markus 10:6-9.

 APAH SÈ KOCA’AGHI KÈTAB SOCCÈ BISA È PARCAJÂ?

Ya. Sakonè’ân bâḍa duwâ’ alâsan:

  • Allah jiâh sè aghâbbây kalowarga. Kètab Soccè ngoca’ jhâ’ Gustè Allah sè mangabin manossa. (Kadhâdḍiyân 2:18-24) Dhâdḍi, Allah Yèhuwa aghâbbây kalowarga. Apah pangarona ghâbây bâ’ân?

    Ènga’ mon ngakan rojâk cèngor sè cè nyamanna pastè terro taowa ressèppa, ka sapah tanyana? Pastè ka sè aghâbây rojâ’ân.

    Dâ iyâ kèya, mon terro taowa carana kalowarga oḍi’ tarentem, kodhu mènta bimbingânna Allah Yèhuwa, sè aghâbây kalowarga.

  • Gustè Allah parduli ka bâ’ân. Kalowarga-kalowarga kodhu mènta bimbingan ka Allah Yèhuwa, sè bâḍâ è dâlâm Kètab Soccè. Arapah? Polana Gustè Yèhuwa parduli bân siap abhânto bâ’ân. (1 Petrus 5:6, 7) Allah Yèhuwa terro sè palèng beccè ghâbây bâ’ân—pastèna nasèhadḍa sè palèng manjhur!—Bangsalan 3:5, 6; Yesaya 48:17, 18.

 GHÂBÂY È PÈKKÈR GHU-ONGGHU

Dâ’remmah carana bâ’ân bisa dhâdḍi lakèh, binèh, otabâ rèng towa sè beccè?

Jawâbhânna bâḍhâ è Kètab Soccè è KOLOSE 3:18-21.