Langsung ke konten

Langsung ke menu sekunder

Saksè-Saksè Yèhuwa

Madura

Bâ’bisaah orèng matè oḍi’ polè?

Bâ’bisaah orèng matè oḍi’ polè?

Apah jâwâbhân bâ’ân?

  • Bisa.

  • Ta’ bisa.

  • Ta’ tao.

 APAH SÈ KÈTAB SOCCÈ KOCA’AGHI?

”Sadhâjâna orèng bâkal oḍi’a polè saamponna matè.”—Caretanna Para Rasul 24:15, Alketab è Dhalem Basa Madura.

MANFAADḌA GHÂBÂY BÂ’ÂN

Ollè kakowadḍân è bâkto orèng sè ètarèsnaè matè.—2 Korintus 1:3, 4.

Tâḍâ’ rasa tako’ sè talèbat ka patè.—Ibrani 2:15.

Anḍi’ arâbbhân atemmo polè kalabân rèng-orèng sè la matè ebâkto oḍi’ polè è bhumè.—Yahya 5:28, 29.

 APAH SÈ KOCA’AGHI KÈTAB SOCCÈ BISA È PARCAJÂ?

Yâ. Sekonè’ân bâḍâ tello’ alasân:

  • Gustè Allah sè abèrri oḍi’. Kètab Soccè ngoca’ jhâ’ Allah Yèhuwa sè aparèng oḍi’. (Carètanna Para Rasul 17:24, 25) Dhâdḍi Allah Anḍi’ kobâsa maoḍi’ orèng sè la matè.

  • Gustè Allah la tao maoḍi’ orèng sè la matè. Bâḍâ bellu’ kadhâdḍiyân sè è catat dâlâm Kètab Soccè—bâḍâ rèng lakè’, rèng binè’, bâḍâ rèng towa bân sè ngodâ—bâḍâ sè ghi’ bhuru matè, bân bâḍâ sè la ollè empa’ arè, sakabbhina orèng ruwa è paoḍi’ polè è bhumè!Yahya 11:39-44.

  • Gustè Allah ce’ terrona maoḍi’ polè manossa. Allah Yèhuwa bâjhi’ ka patè; bân nganggâp mosona. (1 Korintus 15:26) Dhâdḍi Gustè Allah terro mangala’a kalabân maoḍi’ polè rèng-orèng sè la mate. bân Gustè Allah bâkal maodhi’ orèng sè èkènga’è ruwa sopajâ oḍi’ polè è bhumè.—Ayub 14:14, 15.

 GHÂBÂY È PÈKKÈR GHU-ONGGHU

Arapah manossa dhâdḍi towa bân matè?

Jâwâbbhâna bâḍâ è Kètab Soccè è KADHÂDḌIYÂN 3:17-19 bân ROMA 5:12.