A chhûng thu-ah lût rawh

Secondary menu-ah lût rawh

A chhûnga thuawmte-ah lût rawh

Jehova Thuhretute

Mizo

Vênnainsâng  |  No. 3 2017

 A KAWM THU | VANTIRHKOHTE—AN AWM TAK TAK EM? HRIAT A PAWIMAWH CHHAN

Vêngtu Vântirhkoh I Nei Em??

Vêngtu Vântirhkoh I Nei Em??

Mi tin hian vêngtu vântirhkoh an nei tih Bible-in a zirtîr lo va. Ṭum khat chu Isua’n: “Hêng mi tête [Krista zirtîrte] zînga pakhat pawh hi hmusit lo tûrin fîmkhur rawh u; an vântirhkohten vânah ka Pa vâna mi hmêl chu an hmu fo ṭhîn tih, ka hrilh che u hi,” tiin a sawi ngei mai. (Matthaia 18:10) Mahse, mi tin hian vêngtu vântirhkoh an nei tihna ni lovin, Isua chuan vântirhkohte’n a zirtîrte chu a mi malin an ngaihsak tih a sawina mai a ni. Chuvângin, betu dikte chuan Pathian vântirhkohvin min vêng ang tiin âtthlâk takin emaw, nun thâp hial khawpin emaw thil an ti lo.

A nih leh, vântirhkohte’n mihringte an ṭanpui lo tihna a ni em? Ni lo ve. (Sâm 91:11) Mi ṭhenkhat chuan Pathianin vântirhkoh hmanga anmahni vênga, kaihruai niin an ring nghet tlat a. Thuziak hmasaa kan sawi tak Kenneth-a kha chutiang ringtu a ni. Chiang fakin sawi thei lo mah ila, a rin dân chu a dik pawh a ni mai thei. Jehova Thuhretute chuan thu hrilh rawngbâwl hna an thawh laiin chutianga vântirhkoh ṭanpuina chu an dawng fo ṭhîn a. Mahse, vântirhkohte kan hmuh theih loh avângin, dinhmun hrang hranga mite ṭanpuinaah Pathianin eng chen nge a hman tih erawh kan sawi thei lo. Engpawh ni se, Pathian Engkimtitheia ṭanpuinate avânga kan lâwm chuan kan tisual lo vang.—Kolossa 3:15; Jakoba 1:17, 18.