A chhûng thu-ah lût rawh

Secondary menu-ah lût rawh

A chhûnga thuawmte-ah lût rawh

Jehova Thuhretute

Mizo

Zawhna 10 Ṭhalaite Zawh Ṭhin Chhânna

 ZAWHNA 10

Engtin Nge Bible-in Min Ṭanpui Theih?

Engtin Nge Bible-in Min Ṭanpui Theih?

A PAWIMAWH CHHAN

Bible chuan “Pathian Lehkha Thu zawng zawng hi Pathian thâwk khuma pêk a ni,” a ti a. (2 Timothea 3:16) Hei hi a dik a nih chuan, Bible chuan i mamawh kaihhruaina a pe thei ang che.

ENG NGE I TIH ANG?

He thilthleng hi han mitthla teh: David-a chuan tûn hmaa a kal ngai lohna hmunah motor a khalh a. Kawng chhinchhiahnate leh hmun chhinchhiahnate chuan a thlenna tûr hmun a thleng lo tih a târ lang. A bo tih a inhre ta. A zin kawnga khawi emaw laiah a kawi sual a ni ngei ang.

David-a ni ta la, eng nge i tih ang?

INNGAIHTUAH CHIANG RAWH!

Duh thlan tûr i nei nual a:

  1. Mi zawh.

  2. Map en, a nih loh leh GPS hman.

  3. Kawng i zawn hmuh theih beiseia khalh chhunzawm.

Duh Thlan Tûr C chuan ṭangkaina a nei tlêm ber tih a lang sa reng a.

Duh Thlan Tûr B chu a hmasa aiin a ṭha zâwk a ni. Map, a nih loh leh GPS chu i kalna apiangah i keng reng theiin, kawng a kawhhmuh reng dâwn che si a.

Bible-in chutiang chiah chuan a ṭanpui thei che!

He lehkhabu hralh tla ber hian

  • nuna buainate kârah a kaihruai thei che

  • inhre chiang tûr leh mi ṭha zâwk ni tûrin a ṭanpui thei che

  • nun ṭha ber neih theih dân kawng a kawhhmuh thei che

 NUNA ZAWHNA PAWIMAWH TAKTE CHHANNA

Kan ṭawng theih phat aṭangin zawhna kan zâwt thîn a.

  • Engvângin nge vân hi a pâwl?

  • Arsite hi eng aṭanga siam nge?

A hnuah, kan chhelvêla thilthlengte chungchâng kan zâwt leh ṭan a.

  • Engvângin nge thil ṭha lote a thlen ṭhin?

  • Engvângin nge mite an thih ṭhin?

Hêng zawhnate chhânna hi Bible-ah lo awm ta reng se, engtin nge ni ang?

Mi tam tak chuan Bible chu thawnthu phuahchawp hlîrin a khat a, a hman lai tawhin, hriatthiam a harsa lutuk niin an sawi a. Mahse, harsatna ber chu Bible nge nia, Bible chungchânga mite thu hriat zâwk? Anni chuan bum an tâwk a ni thei ang em?

Entîr nân, Pathianin khawvêl a thunun tih chu Bible zirtîrnaah an ngai a. Mahse, chu chu engtin nge a nih theih ang? He khawvêl hi thunun theih lohvin a awm si! Chutah hrehawmna leh tawrhnate, natna leh thihnate, retheihna leh leilung chhiatnate hlîrin a khat bawk si. Engtin nge hmangaihna Pathian chu hêng zawng zawng thlentîrtu a nih theih ang?

A chhânna hriat i dun em? Bible-in he khawvêl thununtu chungchâng a sawi i hriat chuan mak i ti mai thei!

He brochure-a awm thurâwnte hi Bible aṭanga lâk chhuah a ni tih i hriat ngei a rinawm a. Jehova Thuhretute chuan Bible hi innghahna tlâk kaihhruaina lo chhuahna bul a ni tih an ring tlat a ni. A chhan chu, “Pathian thâwk khuma pêk a ni a, zirtîr kawngah te, thiam loh chantîr kawngah te, zilh kawngah te . . . a sâwt” vâng a ni. (2 Timothea 3:16, 17) He lehkhabu hlui tak—tûn lai tak si—hi mahni ngeia bih chian i bâ a ni!