A chhûng thu-ah lût rawh

Secondary menu-ah lût rawh

A chhûnga thuawmte-ah lût rawh

Jehova Thuhretute

Mizo

Pathian Min Pêk Chanchin Ṭha!

 ZIRLAI 1

Chanchin Ṭha Chu Eng Nge Ni?

Chanchin Ṭha Chu Eng Nge Ni?

1. Pathian min pêk chanchin ṭha chu eng nge ni?

Pathianin mite chu leia hlim taka nung tûrin a duh a. Mihringte a hmangaih avângin lei leh a chhûnga thil zawng zawngte chu a siam a ni. Rei lo têah, hmun tina mite’n nakin hun ṭha zâwk an neih theih nân hma a rawn la ang a. Mihringte chu hrehawm tawhna awmtîrtu lakah a chhuah zalên ang.—Jeremia 29:11 chhiar rawh.

Tharum thawhna te, natna te, a nih loh leh thihna te nuai bo thei sawrkâr a la awm ngai lo. Mahse, chanchin ṭha tak mai a awm a. Nakin lawkah, Pathian chuan mihring sawrkâr zawng zawng chu ama sawrkârnain a rawn thlâkthleng ang. Chu sawrkâr hnuaia awm a khua leh tuite chuan remna a chênin, hrisêlna ṭha pawh an nei ang.—Isaia 25:8; 33:24; Daniela 2:44 chhiar rawh.

2. Engvângin nge chanchin ṭha hriat a hmanhmawhthlâk?

Pathianin lei ata mi suaksualte a paih chhuah hunah chauh hrehawm tawrhna chu a tâwp ang. (Zephania 2:⁠3) Chu hun chu engtikah nge a lo thlen ang? Pathian Thu chuan tûna mihringte tithlabârtu dinhmunte chu a lo sawi lâwk a. Tûn laia thil ṭha lo kan hmuhte hian Pathian tân hma lâk hun a hnai tawh tih a târ lang a ni.—2 Timothea 3:​1-5 chhiar rawh.

3. Kan tih tûr chu eng nge ni?

Pathian chanchin chu a Thu, Bible aṭangin kan zir tûr a ni a. Chu chu hmangaihna nei tak pa ber hnên aṭanga lehkha thawn ang a ni. Bible chuan tûna nun ṭha zâwk leh nakina he leia chatuana nunna neih theih dân min hrilh a ni. Mi ṭhenkhat chuan Bible hre thiam tûra ṭanpuina i dawng chu an duh lo mai thei. Mahse, nakin hun ṭha zâwk neih theihna hun remchâng chu chân mai atân chuan a uihawm hle.—Thufingte 29:25; Thu Puan 14:​6, 7 chhiar rawh.