A chhûng thu-ah lût rawh

Secondary menu-ah lût rawh

A chhûnga thuawmte-ah lût rawh

Jehova Thuhretute

Mizo

Pathian Ṭhian I Ni Thei!

 ZIRLAI 15

Pathian Ṭhiante Chuan Thil Ṭha An Ti

Pathian Ṭhiante Chuan Thil Ṭha An Ti

I mi ngaihsânzâwng leh zahzâwng ṭhiana i neih chuan, amah an ve chu i tum ṭhîn a. “LALPA chu a ṭhain a dik a ni,” tiin Bible chuan a sawi a ni. (Sâm 25:⁠8) Chuvângin, Pathian ṭhian ni tûr chuan, kan ṭhain kan dik a ngai a. Bible chuan: “A fa duh takte angin Pathian awm dân latute ni rawh u, . . . hmangaihnaah awm rawh u,” tiin a sawi a ni. (Ephesi 5:​1, 2) Hetah hian chutianga awm theih dân kawng ṭhenkhat a awm e:

Mi dangte ṭanpui peih rawh. “Mi zawng zawng chungah thil ṭha i ti ang u.”​—⁠Galatia 6:10.

Taima rawh. “Rûk hmang chuan ru tawh suh sela; . . . a kuta thil ṭha thawkin rim zâwk rawh se.”​—⁠Ephesi 4:28.

Tisa lam leh nungchang lamah thianghlim rawh. “Tisa leh thlarau bawlhhlawhna zawng zawngah i intifai ang u, Pathian ṭih dêk chunga thianghlimna tifamkimin.”​—⁠2 Korinth 7:⁠1.

 Chhûngkaw zînga mite chu hmangaih leh zah takin cheibâwl rawh. “Tupawhin mahni a inhmangaih angin mahni nupui hmangaih ṭheuh sela, nupui pawhin a pasal hlau thiam rawh se. Naupangte u, . . . in nu leh in pate thu zâwm rawh u.”​—⁠Ephesi 5:​33–6:⁠1.

Mi dangte hmangaihna lantîr rawh. “I inhmangaih tawn ṭheuh ang u; hmangaihna hi Pathian laka chhuak a ni si a.”​—⁠1 Johana 4:⁠7.

Sawrkâr dân zâwm rawh. “Mi tin [sawrkâr] thu thuin awm rawh se. . . . Mi zawng zawng hnênah pêk tûr apiang pe rawh u; leiman pêkna tûra hnênah chuan leiman pe ula.”​—⁠Rom 13:​1, 7.