A chhûng thu-ah lût rawh

Secondary menu-ah lût rawh

Jehova Thuhretute

Mizo

Engtin Nge Nakin Hun Tûr Chu I Thlîr?

Engtin Nge Nakin Hun Tûr Chu I Thlîr?

Kan khawvêl hi . . .

  • a ngai rengin a awm ang em?

  • a chhe zual ang em?

  • a ṭha chho ang em?

 BIBLE SAWI DAN CHUAN

“Pathian [chuan] . . . an mit ata mittui zawng zawng a hrufai ang a; thihna a awm leh thei tawh lo vang a, lungngaih te, ṭahte nat te pawh a awm leh tawh hek lo vang; thil hmasate chu a ral ta.” —Thu Puan 21:3, 4, O.V. Reference.

I ṬANGKAIPUI THEIH DAN

Hna lungâwithlâk leh awmze nei tak i nei thei.—Isaia 65:21-23.

Natna leh hrehawm tawrhna engpawh awm tawh lohna a ni thei.—Isaia 25:8; 33:24.

Chhûngkua leh ṭhiante nêna nun tâwp nei lo leh hlimawm tak i nei thei.—Sâm 37:11, 29.

 BIBLE SAWI CHU KAN RING THEI EM?

Thei e, a lo berah pawh chhan pahnih avângin:

  • Pathian chuan a thutiam hlen tûrin thiltihtheihna a nei. Pathian Jehova chuan thiltihtheihna tiam chin nei lo a neih avângin, Bible chuan amah chauh chu “Engkimtithei” tiin a ko va. (Thu Puan 15:3) Chuvângin, kan awmna khawvêl siam ṭha tûra a thu min tiam chu a hlen thei a ni. Bible sawi angin, “Pathian nên . . . chuan engkim tih theih a ni” si a.—Matthaia 19:26.

  • Pathian chuan a thutiam hlen a châk. Entîr nân, Jehova chuan a mi rinawm thi tawhte chu a “ngaina” a, kaihthawh leh a châk a ni.—Joba 14:14, 15.

Bible chuan Pathian Fapa, Isua’n dam lote a tidam tih min hrilh a. Engvângin nge a tihdam? A duh vângin a tidam a ni. (Marka 1:40, 41) Isua chuan ṭanpui ngaite ṭanpuina kawngah a Pa mizia chu famkim takin a târ lang a ni.—Johana 5:19.

Chuvângin, Jehova leh Isua chuan nakin hun hlimawm tak nei tûra min ṭanpui chu an duh a ni tih kan chiang thei a ni!—Sâm 72:12-14; 145:16; 2 Petera 3:9.

 NGAIHTUAH TUR

Engtin nge Pathianin kan khawvêl hi ṭha tura a thlâk ang?

Hêng Bible chângte hian a chhâng a ni: MATTHAIA 6:9, 10 leh DANIELA 2:44.